Polısııa qyzmetkerleri bir táýlik ishinde “úı urysyn” anyqtady, – dep habarlaıdy Polisia.kz.
9 maýsymda Kerbulaq aýdandyq polısııa bólimine Qoǵaly aýylynyń 67 jastaǵy turǵyny óziniń 350 myń teńge kólemindegi aqsha sommasyn urylardyń úıiniń terezesin qysý arqyly qoldy qylǵany týraly aryzdanǵan. Atalǵan derek QR Qylmystyq kodeksiniń 188-babynyń 3-bóligi 3-tarmaǵy (turǵyn úı-jaıǵa zańsyz kirýmen jasalǵan urlyq) boıynsha tirkeldi.
"Ustalǵan Eskeldi aýdanynyń 37 jastaǵy turǵyny 2004 jyly osyǵan uqsas qylmys jasaǵany úshin eki jylǵa bas bostandyǵynan aıyrylǵan. Kúdikti urlanǵan aqshaǵa aýyl dúkenderiniń birinen ámııan men kózildirik satyp alý kezinde ustaldy. Jeke tekserý qorytyndysyna sáıkes kúdiktiden qoldy bolǵan aqsha sommasy tolyq emes kúıinde alyndy, áıeldiń qalǵan sommany qaıda jumsaǵanyn tergeý amaldary anyqtap jatyr", dep habarlady Kerbulaq aýdandyq polısııa bólimi bastyǵynyń orynbasary Álisher Kaptaǵaev.
Úı ıeleriniń qonaq bólmedegi sandyqta úlken aqsha sommasyn saqtaıtynyn eki kún boıy úı qyzmetshisi bolyp jumys istegen áıeldiń kezdeısoq bilgeni anyqtaldy. Urlyq jasaýǵa bel býǵan ol, túngi 03.00 shamasynda tereze arqyly aqshany alyp, jasyrynǵan. Qoldy bolǵan aqshanyń zańdy ıesi polıseılerge kásibı sheberligi men jedeldigi úshin alǵys bildirdi.