Shymkent qalasynda salynyp jatqan 8000 oryndyq jańa meshitte tazalyq sharasy uıymdastyryldy, - dep habarlaıdy Egemen.kz.
Shymkent qalasynyń Bas ımamy B.Abdýrahmanovtyń jetekshiligimen ótken tazalyq sharasyna Abaı, ál-Farabı, Eńbekshi jáne Qarataý aýdanyndaǵy meshit ımamdary men "Zeket" qory "Jastar sektory" ókilderiniń músheleri qatysty. Bas ımamnyń aıtýynsha, bul shara aıyna bir ret erikti túrde ótkizilip turatyn bolyp sheshildi.
Səýletti meshit Shymkenttiń jańa ákimshilik-iskerlik aımaǵynda boı kóterýde. Jeke ınvestor esebinen salynyp jatqan meshit kesheninde avtokólik parkıngi, kúnnen qýat alatyn qurylǵylar qoıylady. 8 myń adamǵa arnalǵan záýlim meshittiń qurylysyn "Munaı Qurylys Servıs" JShS júrgizip jatyr. Munda sonymen qatar musylmandyq joralardy jasaıtyn oryndar, kongress-holl, tamaqtanýǵa arnalǵan zal, neke saraıy, ıslamdyq bilim berý ortalyǵy, medrese, kitaphana men ákimshilik bólmeler, fıtnes ortalyq salynady. Meshit qurylysynyń jalpy kólemi - 12,0058 ga, al, parkıngtyń jalpy jer kólemi 218,8h58,8m-dy quraıdy. Meshittiń tórt munarasy bar. Al negizgi kúmbezdiń bıiktigi – 56 metr.
Jaýapty mamandardyń málimdeýinshe, qazirgi tańda meshitte qurylys qyzý júrýde. Bıyl onda negizgi qurylys jumystary tolyq aıaqtalmaq. Kelesi jyly syrtqy jáne ishki árleý jumystary júrgizilmek.
Aıta ketsek, sáýletti meshit 2021 jyly sáýir aıynda, ıaǵnı, Ramazan aıy qarsańynda el ıgiligine beriledi dep josparlanýda.