Elordada vırýs juqtyrǵan jalpy 2 620 adam anyqtaldy. Onyń ishinde 270-i bala. 1 829 naýqas nemese 70 paıyzy jazylyp shyqty. Bul týraly qoǵamdyq densaýlyq saqtaý basqarmasynyń basshysy Sáýle Qısyqova aıtty, - dep habarlaıdy Egemen.kz
Tolyq kólemde júrgizilgen medısınalyq kómekke qaramastan, 14 adam qaıtys boldy. Jasy shamasy boıynsha: 40-50 jas aralyǵynda 2 adam, 50-den 60 jasqa deıingi 4 adam, 60 jastan joǵary 8 adam."Naýqastardyń kópshiliginde qant dıabeti, gıpertonııa, júrek yrǵaǵynyń buzylýy men júrek aýrýy, qaterli isik, sondaı-aq zat almasýynyń buzylýy sııaqty janama aýrýlar anyqtaldy. Sonymen qatar, dárigerge kesh qaralý, ózin-ózi emdeý jaǵdaılary naýqastardyń densaýlyǵynyń nasharlaýyna ákelip soqtyrdy. Naýqastar dereý jansaqtaý bólimine jatqyzyldy", dedi S. Qısyqova.
Onyń aıtýynsha, búginde koronavırýs ınfeksııasymen 730 naýqas aýrýhanada jatyr. Olardyń ishinde 48-iniń jaǵdaıy aýyr, sonyń arasynda 18 naýqas óte aýyr jaǵdaıda. Olardyń ókpeleri jasandy jeldetý apparatyna qosylǵan.