Fransııanyń "Parı Sen-Jermen" klýbynyń usynysynan bas tartqan "Lıverpýldiń" qorǵaýshysy Vırdjıl van Deık óz komandasymen bes jyldyq kelsimshartqa otyrdy, - dep habarlaıdy Egemen.kz.
Anglııa Premer-lıgasynda qalýdy jón sanaǵan Vırdjıl osyǵan deıin aptasyna 200 myń evro alyp kelse, endi 245 myń evro alatyn bolady. Osylaısha, onyń esimi "Lıverpýl" sapyndaǵy jalaqysy eń joǵary oıynshy retinde tarıhta qaldy. Buǵan deıin kóshbasynda – Muhammed Salah edi. Mysyrlyq shabýylshynyń aptalyq eńbekaqysy 222 myń evrony quraǵan edi.
8 shildede 29 jasqa tolǵaly otyrǵan Vırdjıl van Deık Nıderlandtyń Breda qalasynda týyp-ósti. Boıy – 193 santımetr, salmaǵy – 92 kılo. Fýtbol álippesin óziniń týǵan qalasynda úıregen ol eseıe kele Nıderlandtyń "Gronıngen", Shotlandııanyń "Seltık" jáne Anglııanyń "Saýtgempton" klýbtarynda oınady. 2008 jyly "Lıverpýldiń" jeıdesin kıdi.
2015 jyldan beri Nıderland ulttyq quramasyn namysyn qorǵap júrgen Vırdjıl van Deık 33 ret jasyl alańǵa shyǵyp, 4 goldyń avtory atandy. 2019 jyly Portýgalııada ótken Ulttar lıgasy dodasynda óz komandasymen birge kúmis medaldi ıelendi.