Túrkistan oblysynyń polıseıleri Túlkibas aýdanynda qarasora egistigin joıdy, - dep habarlady IIM baspasóz qyzmeti.
Túlkibas APB-niń kezekshi bólimine Túlkibas aýdanyna qarasty aýyldardyń birinde jergilikti turǵyn, óz úıinde quramynda esirtki zaty bar ósimdikterdi ósirýmen aınalysatyny týraly habarlama kelip tústi. Bul jaıt QR Qylmystyq kodeksiniń 300-baby (quramynda esirtki zattary bar ósirýge tyıym salynǵan ósimdikterdi zańsyz ósirý) boıynsha sotqa deıingi tergep-tekserýdiń biryńǵaı tizilimine tirkeldi.
Jedel-izdestirý is-sharalarynyń qorytyndysynda Túrkistan aýdandyq polısııa bóliminiń qyzmetkerleri Túrkistan oblysy PD krımınaldyq polısııa basqarmasynyń jedel ýákilderimen birlesip, atalǵan meken-jaı boıynsha tekserý jumystaryn júrgizip, jergilikti turǵynyń baý-baqshasynan egilgen qarasora tapty.
Tintý barysynda polısııa qyzmetkerleri aıǵaqty zat retinde quramynda esirtki zaty bar bes túp ósimdikti tárkiledi. Kúdikti óz áreketin tolyq moıyndaı kele, ózi tutynyp qoldaný úshin qarasora ósirgenin aıtty.
Qazirgi ýaqytta esirtki egýdi zańsyz ósirý jaıty boıynsha sotqa deıingi tergeý amaldary júrgizilip jatyr. Er adam qolhatpen bosatyldy. Tergeý búginde istiń barlyq mán-jaıyn anyqtaıdy.
Túrkistan oblysynyń polıseıleri zańsyz, quramynda esirtki zaty bar ósimdikterdi ekkeni úshin qylmystyq jaýapkershilik qarastyrylǵanyn eske salady. Osy baptyń sanksııalary eki myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne alty júz saǵatqa deıingi merzimge qoǵamdyq jumystarǵa tartýǵa ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.