"Adaldyq alańy" jobasy aıasynda sybaılas jemqorlyqqa qarsy mádenıetti qalyptastyrý, qoǵamda adaldyq, ádildik, parasattylyq qundylyqtaryn nasıhattaý maqsatynda halqymyzdyń uly tulǵalary men alash zııalylarynyń maqal-mátelderi men naqyl sózderi kórsetilgen bannerler ázirlenip, bılbordtarǵa ornalastyryldy, - dep habarlaıdy Egemen.kz.
A.Qunanbaıulynyń 175 jyldyq jáne ál-Farabıdiń 1150 jyldyq mereıtoıy qarsańynda dara tulǵalardyń tártipke, eńbekke, tárbıege jeteleıtin "Balany eń áýeli meıir-shapaǵatqa, odan soń aqyl-parasatqa, aqyrynda naǵyz paıdaly ǵylymǵa, eńbekke baýly", "Tárbıeleý degenimiz – adamnyń boıyna bilimge negizdelgen etıkalyq qundylyqtar men óner qýatyn darytý" syndy qanatty sózderi kórsetildi.
Ádildik pen adaldyqty tý etken dana tulǵalarymyz ál-Farabı, A.Qunanbaıuly, B.Momyshuly, M.Áýezov, A.Baıtursynov, Sh.Ýálıhanovtyń sózderi qala kóshelerinde, aıaldamalarda, aeroportta, aqparattyq monıtorlar men led ekrandarǵa ornalastyryldy.
Sonymen qatar "Halyq únine qulaq asatyn memleket" tujyrymdamasyn iske asyrý, halyqty Agenttiktiń "1424 Call-ortalyǵymen" habardar etý jáne qala turǵyndarymen ortaq múdde úshin birlesip qyzmet atqarý maqsatynda bılbordtarǵa "1424 Call-ortalyǵynyń" nómiri ornalastyryldy.
Call-ortalyqtyń operatorlary agenttiktiń qyzmeti týraly suraqtarǵa jaýap berip, sybaılas jemqorlyq faktileri, quqyq buzýshylyqtar jóninde, sondaı-aq kásipkerlik qyzmetke kedergi keltirý jaǵdaılary týraly telefon habarlamalaryn táýlik boıy qabyldaıdy.
Atalǵan jumystar kórneki aqparattar arqyly qala turǵyndaryn keń kólemde qamtýǵa baǵyttalǵan.