Shymkent qalasynda "Naýryz" alańy mańynda "Kóne qala" etnojobasy boı kóterýde. Etnoqalashyqta "Shymkent 2020 - TMD elderiniń mádenı astanasy" jyly aıasynda qala turǵyndary men qonaqtaryna ulttyq salt-dástúr qundylyqtaryn nasıhattaý maqsatynda ár senbi, jeksenbi kúnderi is-sharalar ótedi dep josparlanǵan bolatyn, - dep habarlaıdy Egemen.kz.
"Kóne qala" etnoaýylynda 12 kıiz úı men kórme qoıylatyn jartylaı kıiz úı, Aq qanatty shatyr úı de qurý josparlanǵan. Sonymen qatar aýylda altybaqan shaǵyn saýlet nysandary da qurylady. Qurylysta balalar úshin arnaıy alań da qarastyrylǵan.
Kıiz úılerde Shymkent qalasynyń 2200, ǵulama, ǵalym Ábý Nasyr ál-Farabıdiń 1150, aqyn Abaı Qunanbaıulynyń 175, kompazıtor Shámshi Qaldaıaqovtyń 90 jyldyǵyna arnalǵan taqyryptyq kórmeler uıymdastyrylady. Tórt kıiz úı Qazaqtyń ulttyq taǵamdaryna arnalsa, Kórpe tigý úıi, Salt-dástúr úıi, Ájeler úıi jáne Bas kıiz úı taqyrypqa saı bezendiriledi. Al jartylaı kıiz úılerde qolóner buymdarynyń kórmeleri qoıylady.
Qalashyqtyń ishi qorǵan-qalashyq túrindegi jobanyń ortasynda aq shatyrly orda túrindegi dóńgelek sahna ornalasqan. Sahnanyń aldynda 200 oryndyq kórermender alańy bolady. Sahnalyq alańnyń eki shetinde arba ústine tigilgen kıiz úıler qoıylady dep josparlanǵan.
Qalashyqtyń aýyl-alańqaılarynda qolónershiler aýyly, qusbegi-saıatshylar aýyly, zergerler aýyly, qymyzshylar aýyly, ulttyq taǵamdar aýyly, mýzykalyq aspaptar kórmesi, balalarǵa arnalǵan oıyn alańdary ornalasady.
Kelýshilerge ulttyq kıim kıgen qyz-jigitter qonaqtardy qazaqtyń ulttyq salt-dástúrlerimen tanystyrady. Etnoqalashyqta kórermender ulttyq sport túrlerin tamashalap, kıiz úı tigý, syrmaq basý, shı toqý, mal soıyp, et asý prosesterine qatysa alady. Qazaqtyń án-kúıin tyńdap, ulttyq qolóner buıymdaryn estelik retinde satyp alýǵa bolady. Sondaı-aq keshki oıyn-saýyq pen ulttyq salt-dástúrden syr shertetin qoıylymdary taǵy bar.
Aıta keterligi, álemdi jaılaǵan qaýipti indetke baılanysty qalashyqtyń ashylýy keıinge shegirildi.