Beıjińde koronavırýs qaıta órship, saqtyq sharalary kúsheıtilýde, - dep habarlady TASS agenttigi.
Búginnen bastap Beıjińdegi bastaýysh, orta jáne joǵary oqý oryndary ýaqytsha jumysyn toqtatady.
Sondaı-aq Qytaıdyń ózge aýdandarynan týrıstik toptardyń Beıjińge kelýine tyıym salyndy. Epıdemıologııalyq jaǵdaıy joǵary aýdandardyń turǵyndaryna jergilikti jerinen shyǵýǵa bolmaıdy.
Qazir Beıjińde mádenı, oıyn-saýyq jáne sporttyq is-sharalar toqtatylǵan.
Eske sala keteıik, ótken aptada Beıjińniń ońtústik Fentaı aýdanyndaǵy Sınfadı saýda bazarynda COVID-19 oqıǵasy tirkeldi. Sodan beri 100-den astam adamnyń vırýs juqtyrǵany anyqtaldy. Olardyń kópshiligi saýda oryndarynyń qyzmetkerleri men olarmen baılanysta bolǵandar.