Ekologııa, geologııa jáne tabıǵı resýrstar mınıstrligi jaýapty hatshysynyń buıryǵymen Álibek Muratuly Bekmuhametov Atyraý oblysy boıynsha ekologııa departamentiniń basshysy qyzmetine taǵaıyndaldy, - dep jazady Egemen.kz
Ol Qaraǵandy oblysynyń týmasy. Birneshe joǵary bilimi bar. E.Bóketov atyndaǵy Qaraǵandy memlekettik ýnıversıtetin "Ekologııa jáne tabıǵatty paıdalaný", Qaztutyný odaǵy Qaraǵandy ekonomıkalyq ýnıversıtetin "Quqyqtaný bakalavry" mamandyǵy boıynsha bitirgen.
Eńbek jolyn 2004-2005 jyldary QR Qorshaǵan ortany qorǵaý mınıstrligi Astana qalalyq aýmaqtyq qorshaǵan ortany qorǵaý basqarmasynda atmosfera aýasy men radıasııalyq qaýipsizdikti memlekettik baqylaý bóliminiń jetekshi mamannyń mindetin atqarýshy bolyp bastaǵan. 2006-2008 jyldary QR Qorshaǵan ortany qorǵaý mınıstrliginiń atalǵan bóliminde bas maman bolǵan.
2010-2012 jyldary QR Qorshaǵan ortany qorǵaý mınıstrligi Ekologııalyq retteý jáne baqylaý komıteti Esil ekologııa departamentiniń memlekettik ekologııalyq baqylaý bólimi bastyǵy, 2012-2017 jyldary QR Qorshaǵan ortany qorǵaý mınıstrligi Ekologııalyq retteý jáne baqylaý komıtetiniń Soltústik Qazaqstan oblysy boıynsha ekologııa departamenti bastyǵynyń orynbasary-Soltústik Qazaqstan oblysy boıynsha bas memlekettik ekologııalyq ınspektory laýazymyn atqarǵan.
2017-2019 jyldary QR Energetıka mınıstrligi Ekologııalyq retteý jáne baqylaý komıtetiniń Qaraǵandy oblysy boıynsha ekologııa departamenti basshysynyń orynbasary-Qaraǵandy oblysy boıynsha bas memlekettik ekologııalyq ınspektory, 2019-2020 jyldary QR Energetıka mınıstrligi Ekologııalyq retteý jáne baqylaý komıtetiniń Qaraǵandy oblysy boıynsha ekologııa departamenti basshysynyń orynbasary qyzmetin atqaryp keldi.