Munaıly óńirde koronavırýs ınfeksııasyna shaldyqqandar arasynda ár jastaǵy adamdar bar. Sońǵy táýlikte ınfeksııa belgisi 17 adamnan tabylyp otyr, dep jazady Egemen.kz
"Indet juqtyrǵandardyń ekeýi – Teńiz kenishindegi merdiger mekemelerde jumys jasaǵan jumysshylar. Al 14 adam – Atyraý qalasynyń turǵyndary. Olardyń arasynda bir jastaǵy 2 bala bar. Taǵy bir jaǵdaı Jylyoı aýdanynda anyqtaldy. Naýqastardyń bári ınfeksııalyq aýrýhanaǵa jatqyzylyp, hattamaǵa sáıkes em qabyldaýda", dep habarlady óńirlik kommýnıkasııalar qyzmeti.
Osy derekterdi qosa alǵanda Atyraýda koronavırýs ınfeksııasyn juqtyrǵan 1379 adam tirkeldi. Al 1015 adam jazylyp shyqty.