Aýyl sharýashylyǵy mınıstrliginde "Qazaqstan Respýblıkasynyń keıbir zańnamalyq aktilerine jerdi paıdalaný men qorǵaýdy memlekettik baqylaýdy jetildirý máseleleri boıynsha ózgerister men tolyqtyrýlar engizý týraly" zań jobasy boıynsha qoǵamdyq tyńdaý ótti, dep habarlaıdy QR AShM baspasóz qyzmeti.
Karantın rejimine baılanysty qoǵamdyq tyńdaý beınekonferensııa túrinde ótkizildi. Sharaǵa Aýyl sharýashylyǵy vıse-mınıstri Rústem Qurmanov, mınıstrliktiń qyzmetkerleri, qoǵamdyq uıymdardyń, jergilikti atqarýshy organdar men oblystardyń shaǵyn jáne orta bıznesi ókilderi, sharýa qojalyqtarynyń basshylary qatysty.
Zań jobasymen Aýyl sharýashylyǵy mınıstrligi Jer resýrstaryn basqarý komıtetiniń tóraıymy Gúljahan Bımendına tanystyrdy. Baıandama barysynda negizgi josparlar men tıisti zańnamaǵa engiziletin jańalyqtar týraly aıtyldy. Saraptamalyq pikirdi "Atameken" UKP Qurylys jáne jer qatynastary departamentiniń dırektory Nazıra Úsenova jáne zańger, jer quqyǵy salasyndaǵy táýelsiz sarapshy Baqytjan Bazarbek aıtty.
Zań jobasyn talqylaý barysynda aımaq turǵyndaryna suraq qoıý múmkindigi berildi. Aıta keteıik, qoǵamdyq tyńdaý Aýyl sharýashylyǵy mınıstrliginiń Facebook-tegi resmı paraqshasynda tikeleı efırde kórsetildi.