Eldiń barlyq aımaqtaryndaǵy UBT ótkizý oryndarynda kúsheıtilgen medısınalyq-sanıtarlyq sharalar qatań ustaný arqyly ótkizilýde. Osylaısha, kúni keshe joǵary temperatýramen anyqtalǵan 2 testilenýshi UBT-ǵa jiberilmedi. Olarǵa basqa kúnderi nemese bólek aýdıtorııada jalǵyz tapsyrý uıymdastyrylatyn bolady. Bul týraly BǴM Ulttyq testileý ortalyǵy dırektorynyń orynbasary Naýjan Dıdarbekova aıtty, - dep jazady Egemen.kz
"Karantındi saqtaýǵa baılanysty elimizde adamdardyń jappaı jınalýyna tyıym salynǵanyn atap ótkim keledi. Bul erejelerdi elemeý-bizdiń túlekterimiz úshin qosymsha táýekelder ekenin túsiný kerek, sondyqtan men aldyn-ala barlyq ata-analardan keshirim surap, olardy túsinistik tanytýyna shaqyramyn: óıtkeni olarǵa UBT ótkizý pýnktinde bolýǵa ruqsat etilmeıdi", dedi N. Dıdarbekova.
Ǵımarat aýmaǵyn quqyq qorǵaý organdarynyń qyzmetkerleri qorshaıdy.
"Búgingi kúnniń statıstıkalyq málimetterine toqtalatyn bolsam, 10 007 (qalada – 2676, aýyldy eldi-mekenderde – 7331) testilenýshi qazirgi ýaqytta Ulttyq biryńǵaı testileýden ótýde. 8067 – qazaq tilinde, 1940 – orys tilinde. Barlyǵy 77 (qalada-9, aýyldy eldi-mekenderde – 68) UBT ótkizý pýnktterinde is-shara ótkizilip jatyr", dedi ol.