Shymkent qalasynda 46 jastaǵy áıel polıetılen paketke oralǵan esirtki tıptes zattardy úıindegi tońazytqyshta saqtap kelgen, - dep habarlaıdy Egemen.kz.
11 maýsymda Shymkent qalasynyń Polısııa departamenti Esirtki qylmysyna qarsy is-qımyl basqarmasynyń qyzmetkerleri "Qarasora-2020" respýblıkalyq jedel-profılaktıkalyq is-sharasyn júrgizý barysynda esirtki zatyn zańsyz saqtaý faktisi boıynsha 1974 jyly týǵan áıel óz úıinde tońazytqyshta polıetılendi paketke orap, esirtkige uqsas zattardy saqtaǵanyn anyqtady.
Saraptamanyń qorytyndysyna sáıkes tárkilengen zattar jalpy salmaǵy 1 kılogrammǵa jýyq "marıhýana" men "gashısh" esirtki zattary ekendigi anyqtaldy. Atalǵan fakti Sotqa deıingi tergep-tekserýlerdiń biryńǵaı tizilimine QK-niń 296-baby 4-bóligimen (asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) tirkelip, sotqa deıingi tergep-tekserý bastaldy.
Sondaı-aq, osy esirtki zattarynyń paıda bolý joldary men onyń zańsyz aınalymǵa salyný derekterin anyqtaý maqsatynda tekserý jumystary júrgizilip jatyr. Áıelge qatysty "eshqaıda ketpeý jáne tıisti minez-qulqy týraly qolhat" túrindegi bultartpaý sharasy qoldanyldy.
Shymkent