Qazaqstan Ulttyq Olımpıadalyq komıteti Tımýr Asqaruly Qulybaevqa anasy Raısa Aldabergenqyzy Qulybaevanyń ómirden ótýine baılanysty qaıǵyryp kóńil aıtady. Bul týraly komıtettiń baspasóz qyzmeti jazdy, - dep habarlaıdy Egemen.kz
"Qadirli Tımýr Asqaruly! Biz orny tolmas qaıǵyńyzǵa ortaqpyz. Raısa Aldabergenqyzyn biletin jandar onyń júregi meıirimge toly, aqjarqyn adam bolǵanyn aıtady. О́mirdegi eń asyl adam – aıaýly anany joǵaltý eshkimge de ońaı soqpaıdy. Osyndaı qıyn sátte Sizdiń qaıǵyńyzǵa ortaqtasyp, qoldaý kórsetkimiz keledi. Anańyz jaıly jarqyn estelikter men onymen birge ótkizgen sátterińiz árqashan júrek tórinde bolary anyq. Olımpıadalyq otbasy Sizdiń januıadaǵy aýyr qazaǵa ortaqtasady", delingen habarlamada.