Altaı degen jańa ataýǵa ıe bolǵan aýdanda jańa qurylystar boı kóterýde.
Osydan birneshe jyl buryn Altaı degen jańa ataýǵa ıe bolǵan Altaı aýdany kúnnen kúnge kórkeıip keledi. Altaı qalasynda abattandyrý jumystarynan bólek turǵyn úı qurylysy da qarqyn alǵan. Altaı aýdanynyń sáýlet, qurylys jáne qala qurylysy bóliminiń basshysy Erlan Mamataevtyń aıtýynsha, bıyl shahardyń 10 yqsham aýdanyndaǵy Rýdnyı kóshesinde 20 úsh páterli jáne 40 eki páterli úıdiń qurylysy bastalady. «Budan bólek Altaı qalasynda taǵy da eki úıdiń jobalyq-smetalyq qujattary ázirlenip jatyr. Biri - 100 páterli, ekinshisi – 60 páterli. Sonymen qatar Serebrıanka qalasynda 60 páterli úı salý josparlanǵan» deıdi ol.
Shyǵys Qazaqstan oblysy,
Altaı aýdany