Nátıjesinde jyl sońynda qosymsha 1,5 mln lıtr sút, 40 mln dana jumyrtqa, 2 myń tonnadan asa qus eti, 2 500 tonna et óndirilip, 210 jańa jumys orny ashylatyn bolady.
Qala ákiminiń orynbasary E.Sadyr aýyl sharýashylyǵy nysandaryna arnaıy baryp, jumystarymen tanysty.
Alǵash bolyp JK "Normýhamedov" sharýa qojalyǵyna bardy. JK "Normýhamedov" - 2007 jyldan beri bal arasyn damytyp otyrǵan sharýashylyq. Jylyna 100,0 tonnadan astam bal óndiredi. Búginde 5000-nan astam bal ara uıasy bar.
Al, "Zertas" ShQ sút fermasy 2019 jyly Avstrııa elinen jeńildetilgen nesıe jáne memlekettik qoldaý arqyly 128 bas sútti-etti baǵyttaǵy (sımmental) asyl tuqymdy sıyrlaryn ákelgen. Búgingi tańda sharýashylyqta jalpy IQM basy 161-ge jetken.
"Tassaı qus" JShS jylyna 40 mln dana taǵamdyq jumyrtqa óndirýde.
Qosymsha aıta ótsek, aǵymdaǵy jyldyń 5 aıynda Shymkentte 5983,4 tonna et, sút 19260 tonna, jumyrtqa 62,5 mln dana óndirilgen. IQM – 82,6 myń bas, qoı men eshki – 112,2 myń bas, jylqy – 14,6 myń bas, túıe – 29 bas, qus – 953,9 myń basty qurap otyr.