Kenshiler astanasynda "Memlekettik qyzmetshiler kúni» kásibı merekesine oraı oblys ákimi Jeńis Qasymbek el Prezıdentiniń atynan qaraǵandylyq bir top qyzmetkerdi "Halyq alǵysy" medalimen marapattady, – dep habarlaıdy Egemen.kz oblys ákiminiń baspasóz qyzmetine silteme jasap.
Eńbekteri elengen 172 memlekettik qyzmetshiniń qatarynda dárigerler men medbıkeler, polısııa qyzmetkerleri, volonterler, mesenattar, jýrnalıster, mádenıet jáne óner salasynyń ókilderi boldy.
Marapattaý saltanatyna karantındik talaptarǵa baılanysty sany shektelgen az ǵana top qatysty. Al marapattalýshylardyń qalǵanyna jańa medal jumys oryndaryna nemese úılerine jetkizilip berildi.
Saltanatty is-sharada oblys ákimi memlekettik qyzmetshilerge azamattyq ustanym men batyldyqtary jáne qoǵam máselelerine nemquraıdy bolmaǵandary úshin alǵys aıtty.
"Qaraǵandylyqtar qashanda uıymshyl ekendikterin taǵy bir márte kórsetti. Bizdiń aramyzda qıyn sátterde kómekke kelýge daıyn adamdar az emes. Men olardyń árqaısyna rızashylyq sezimin bildirgim keledi. Negizgi aýyr júk medısına qyzmetkerleriniń ıyǵyna tústi. Biz olardyń jumysyn jeńildetý úshin qoldan kelgenniń bárin jasaýǵa tyrysamyz. Qalypty tirligimizge tezdetip qaıta oralýymyz bizdiń árqaısymyzdyń is-áreketimizge baılanysty bolmaq", dep atap ótti Jeńis Qasymbek.
Qaraǵandy oblysy