Elimizdegi jetekshi saıası uıymdardyń biregeıi – «Nur Otan» halyqtyq-demokratııalyq partııasy árqashan zaman talabyna saı, bolashaqqa baıypty baǵdarlama jasaı otyryp, qoǵamdaǵy jáne álemdegi zárýlikterge jiti qarap keledi. Sonyń bir aıqyn dáleli – partııanyń qoǵamdyq talqylaýǵa usynǵan jańa Doktrınasy. Iаǵnı úlken nátıjelerge qol jetkizýdi dástúrge aınaldyrǵan «Nur Otan» halyqtyq-demokratııalyq partııasy jaqynda ǵana «Nur Otan». Nurly bolashaq jolynda!» dep atalatyn jańa Saıası doktrınanyń jobasyn halyqqa usynǵan bolatyn.
Elimizdegi jetekshi saıası uıymdardyń biregeıi – «Nur Otan» halyqtyq-demokratııalyq partııasy árqashan zaman talabyna saı, bolashaqqa baıypty baǵdarlama jasaı otyryp, qoǵamdaǵy jáne álemdegi zárýlikterge jiti qarap keledi. Sonyń bir aıqyn dáleli – partııanyń qoǵamdyq talqylaýǵa usynǵan jańa Doktrınasy. Iаǵnı úlken nátıjelerge qol jetkizýdi dástúrge aınaldyrǵan «Nur Otan» halyqtyq-demokratııalyq partııasy jaqynda ǵana «Nur Otan». Nurly bolashaq jolynda!» dep atalatyn jańa Saıası doktrınanyń jobasyn halyqqa usynǵan bolatyn.
Bul Doktrına Elbasy, «Nur Otan» halyqtyq-demokratııalyq partııasynyń Tóraǵasy Nursultan Nazarbaevtyń tapsyrmasy boıynsha ázirlenip, 3 baǵyt pen 7 basymdyqtan turady. Osyǵan oraı qazir partııanyń tómengi býyndarynda qazannyń 18-inde Astanada ótetin bılik partııasynyń kezekti XV sezine usynylatyn «Nur Otan». Nurly bolashaq jolynda!» atalatyn partııanyń jańa Saıası doktrınasy jan-jaqty talqylanýda. Ol túsinikti de. О́ıtkeni, bul partııanyń bolashaqtaǵy jumys jospary, baǵyt-baǵdary, ıdeologııasy bolmaqshy.
Eshkimge jasyryn emes, búginge deıin partııanyń saıası qujattaryndaǵy qundylyqtar bir qujatqa biriktirilmeı, epızodtyq túrde ǵana jazylǵan túrli bastamalar men ıdeıalary ártúrli qujattarda jarııalanǵanymen, partııada dál osyndaı strategııalyq máni bar qujat bolmaǵan. Al bul qujattyń ózgesheligi – onyń aıasy men aýqymy óte keńdiginde jáne táýelsizdik jyldarynda qalyptasqan negizgi qundylyqtardy naqtylap, Elbasynyń barlyq strategııalyq bastamalaryn iske asyrýda eń basty tiregine aınalýynda. Sondyqtan qujattyń mańyzdylyǵy men tarıhılyǵyn eskergen nurotandyqtar ony qaıta-qaıta pysyqtap, tolyqtyrýlar men ózgerister engizýde. Bul jerde Qazaqstanda osy kezge deıin birde-bir partııa elimizdiń damý strategııasyna sáıkes keletin osyndaı doktrınany usyna almaı, ony tek bizdiń partııa ǵana jasap shyǵýy kez kelgen men sııaqty nurotandyqty qýantýda dep oılaımyn.
Jalpy alǵanda, Elbasy jetekshilik etetin partııanyń aldaǵy onjyldyqtardaǵy baǵdarlamasyn aıqyndaıtyn bul qujat Memleket basshysy N.Á.Nazarbaevtyń ótken jyly Táýelsizdik kúni qarsańynda jarııalaǵan «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýyn basshylyqqa alyp, ázirlengenimen qundy. О́ıtkeni, Qazaqstan Respýblıkasynyń Tuńǵysh Prezıdentiniń «Qazaqstan-2030» Strategııasy merziminen buryn júzege asyp, elimiz ekonomıkasy damyǵan saıası jáne áleýmettik júıesi tıimdi memleketke aınalǵan soń, Elbasymyz N.Á.Nazarbaev «Qazaqstan-2050» Strategııasynda túbegeıli jańa maqsattar qoıyp, basym baǵyttardy aıqyndap bergen bolatyn. Sol maqsattardyń ishindegi eń kúrdelisi jáne eń bastysy, Elbasymyzdyń sózimen aıtqanda, «Bizdiń aldymyzda endi álemniń damyǵan 30 eliniń qataryna qosylý maqsaty tur». Mine, osy maqsatty júzege asyrý, Elbasynyń júıeli, josparly baǵdarlamalaryn, kóregendiligi men salıqaly saıasatyn halyqqa jetkizý, halyqtyń ómir súrý sapasyn kóterý, olardyń keleshekke degen senimin arttyrý máselelerin sheshýge jumys jasaý, tapsyrmalardyń oryndalýyn qadaǵalaý «Nur Otan» partııasynyń basty mindetine zor jaýapkershilikpen enip otyr.
Elbasymyz «Qazaqstan-2050» Strategııasy – qalyptasqan memlekettiń jańa saıası baǵyty» Joldaýynda aıqyndalǵan jańa saıası baǵyttarǵa baılanysty kún tártibine shyqqan ózekti jaıttar san myńdaǵan otandastardy óz qataryna toptastyrǵan «Nur Otan» halyqtyq-demokratııalyq partııasy qyzmetiniń basty baǵyttaryn strategııalyq turǵyda qaıtadan oı eleginen ótkizýdi talap etip otyrǵandyǵy da shyndyq. Doktrınada «Nur Otan» partııasynyń róli óte joǵary. Buryn partııamyz tek bıliktiń partııasy dep eseptelip kelse, endi bul Doktrınanyń arqasynda jalpyhalyqtyq partııa mártebesin almaqshy.
О́ıtkeni, qazirgi tańda «Nur Otan» partııasy áleýmettik máselelerdi sheshýde óziniń is-áreketimen halyqtyń seniminen shyqqandyǵyn kórsetip otyr. Al halyqtyń partııaǵa senimi degenimiz, bolashaqqa zor úmit degen sóz. Mine, halyqtyń osyndaı taýdaı senimin arqalaǵan partııamyz «Nur Otan». Nurly bolashaq jolynda!» dep atalatyn qujatty el birligi men táýelsizdigin nyǵaıtýǵa baǵyttap otyr. Jobada bıik maqsattardy baǵyndyryp, ózimizdiń órken jaıǵan qýatty el ekendigimizdi tanyta bilgen Elbasymyz basqarǵan «Nur Otan» partııasy elimizdegi ultaralyq tatýlyq pen yntymaqty, aýyzbirshilikti joǵary deńgeıge qoıǵan. «Bizdiń basym qundylyǵymyz – berekeli birligimiz!», degen edi Elbasy. Jáne ol jetekshilik etetin «Nur Otan» partııasy osy saıasatty árdaıym basshylyqqa alyp keledi. Sonymen qatar, elimizdiń saıasatyna sáıkes der ýaqytynda usynylyp otyrǵan mańyzy zor irgeli qujatta «Nur Otan» partııasynyń tuǵyrnamasy men basty murattary naqtylanyp, Elbasynyń memlekettik baǵytynyń turaqtylyǵy men baıandylyǵyn, kórkeıýin qamtamasyz etetin tirek retinde «Qazaqstan-2050» Strategııasyn tabysty júzege asyrýǵa qyzmet etetin róli belgilenedi.
El azamattarynyń ómirin sapaly túrde jaqsartýǵa umtylý, ony qoǵamnyń kóptegen músheleriniń kúsh-jigerimen jáne áleýmettik turaqtylyqpen qamtamasyz etý – partııa Saıası doktrınasynyń basty mindetine kirgen. Onda árbir azamat úshin myqty áleýmettik kepildemeler bar. Barlyq partııa músheleriniń basyn qosyp otyrǵan bastaýysh partııa uıymdarynyń jumysyn sapaly jańa deńgeıge kóterý mindeti de tur. Jańa Doktrınany bekitýdiń negizgi maqsaty – qol jetkizgen tabystarymyzdy odan ári eselep, memleketimizdiń turaqtylyǵy men baıandylyǵyn túbegeıli qamtamasyz etý. Osy maqsattardy tolyq júzege asyrady jáne jańa Doktrınany qabyldaý eldiń jańa serpindi damý ımıdjin qalyptastyrýǵa járdemdesedi. Negizinen jobada qazirgi zamanǵy qoǵamdaǵy básekelestiktiń basty belgisi – biregeı bilim men tehnologııa bolǵandyqtan, Qazaqstannyń bolashaǵy – zııatker ult jáne ınnovasııalyq ekonomıkada ekeni basa kórsetilgen. Osy maqsatty oryndaýda basqarý, gýmanıtarlyq jáne bilim berý ınnovasııalaryn damytý arqyly bilim qoǵamyn, jańa ekonomıkanyń arqaýy bolyp tabylatyn zııatkerlerdiń tabyn qalyptastyrýdy kózdep, ǵylym men bilimniń damýyna, jas azamattardyń ınnovasııalyq jáne shyǵarmashylyq áleýetin iske asyrýyna, jańa múmkindikter jasaýǵa aıtarlyqtaı yqpal jasaýdy kózdeıdi. Iаǵnı jobada bilim berý júıesi bilimniń joǵary deńgeıine qol jetkizýge jáne ony naryqtyq ekonomıka jaǵdaıynda qoldanýǵa qabilet berýge tıis. Mundaı bilim azamattardyń muqtajdyqtaryna jáne udaıy oqýǵa degen umtylystaryna sáıkes kelýi tıis degendi alǵa tartady.
Jańa baǵyttyń maqsaty tabysty damýdyń jeti faktory atty bólimde birlik pen kelisimdi negizge ala otyryp, birligi jarasqan, yntymaqshyl el ǵana aldyna bıik maqsat qoıyp, oǵan qol jetkize alǵandyqtan, olardyń qoǵamdyq kelisimge, azamattyq jáne ulttyq ortaq qundylyqtarǵa, jańa qazaqstandyq patrıotızmge negizdelgen birlik – elimizdiń sátti ári turaqty damýynyń berik irgetasyn qalaıtyn qoǵamdy ornatý qajettiligi maqsat etip qoıylady. Eldegi mundaı birlikti saqtaý qazirgi álemdegi kelisimdi qamtamasyz etýdiń negizgi tetigine aınalyp otyrǵanyn basa aıqyndaıdy.
Taǵy bir nazar aýdaratyn jaǵdaı, jobada jahandaný dáýirinde ulttyq-mádenı qundylyqtardyń álsireý qaýpi turǵanda jáne jahandyq qundylyqtar mańyzdylyǵy joǵarylaǵan tusta óziniń ana tilin, tarıhyn, mádenıeti men dástúrin dáripteıtin ult qana órkendeı alatynyn, otbasy bizdiń qoǵamymyzda dástúrdi saqtaýdyń basty ınstıtýty, al qoǵam men memlekettiń beriktigi onyń tutastyǵyna tikeleı baılanysty ekeni berilip, qoǵamdaǵy dástúrge negizdelgen otbasy qundylyqtaryn nyǵaıtýdy kózdegen jáne ony memleketti kúsheıtýdiń mańyzdy faktory retinde sanaǵan. Qujatta buǵan da úlken den qoıylǵan. Sondyqtan Elbasy Joldaýyndaǵy basymdyqtar elimiz úshin beıbitshilik, turaqtylyq pen órkendeýdiń «Altyn ǵasyry» kezeńinde kózdegen maqsattarǵa mindetti túrde jetkizetindigine jáne partııanyń tarıhı jaýapkershiligi aıqyndalǵan jańa Doktrına Strategııamen qatar 2050 jylǵa deıingi damý ıdeologııasy bolatynyna senimdimin.
Degenmen, elimizdiń egemendik jolyndaǵy jasampaz isterine súbeli úles qosqan «Nur Otan» partııasy qazirgi tańda kúshti saıası uıym retinde ulttyq is-qımyldardyń josparyn júzege asyratyn myqty saıası mehanızm qalyptastyryp, kópshilikti sońynan ertip keledi. Onyń ústine táýelsizdik jyldarynda jetken jetistikterimizdiń birazy derlik partııanyń parasatty ustanymy arqasynda múmkin bolǵany da shyndyq. Partııanyń barlyq baǵdarlamalyq maqsat-mindetin júzege asyrýdaǵy jumystyń salmaǵy Elbasymyz N.Á.Nazarbaev basqarǵan «Nur Otan» partııasyna túsip otyrǵanyna qaramastan, búgingi partııa memlekettik saıasattyń mańyzdy bólikterin tıisti deńgeıde iske asyratyn, barynsha yqpal etetin saıası kúshke aınalǵan.
Doktrına Qazaqstandy jedel damytý maqsatynda eldiń adamı, ıntellektýaldyq múmkindigin jandandyrý men jumyldyrýǵa, árbir qazaqstandyqtyń laıyqty ómir súrý deńgeıine jetýge, respýblıka Konstıtýsııasy kepildik bergen azamattardyń quqyqtary men bostandyqtaryn saqtaý men qorǵaýǵa baǵyttalmaq. Osylaısha elimizdegi saıası júıeniń negizgi bóligi bolyp tabylatyn «Nur Otan» partııasy halyq múddesin kózdeı otyryp, elimizdegi ár alýan partııalardyń qatarynan sýyrylyp shyǵyp, azamattyq bastamalardy damytý úshin jaǵdaı jasaýǵa umtylyp, saıası keńistikte naǵyz halyqtyq partııa ekendigin dáleldep berdi.
Darııa QOJAMJAROVA,
QR UǴA korrespondent-múshesi,
tarıh ǵylymdarynyń doktory,
professor.