Anglııanyń premer-lıgasynda oınaıtyn «Kardıff Sıtı» komandasynyń seleksııa jónindegi menedjerligine 23 jasar qazaq jigiti Álisher Ápsalamov taǵaıyndaldy. Bul týraly aqparlar 9 qazan kúni túnde jergilikti BAQ-tarǵa súıengen kóptegen tvıtterlerde jarııalandy.
Osyǵan oraı Gazeta.ru saıty Á.Ápsalamovtyń endi klýbtyń trransferlik saıasatyn júrgizetinin jazdy. Mundaı sheshimdi klýbtyń qojaıyny Vınsent Tan (sýrette) qabyldaǵan. Malaızııanyń mıllıarderi osynyń aldyndaǵy skaýt Iаn Mýdıdiń jumysyna onshalyqty razy bolmapty. Ol komandanyń bas jattyqtyrýshysy shotland Malkı Makaıdyń naǵyz oń qoly bolǵan kórinedi. Soǵan qaramastan, malaızııalyq myrza oń qýyp jibergen.
Brıtanııalyq Metro basylymynyń aqparyna qaraǵanda, qazaq jigiti klýb qojaıyny ulynyń dosy sııaqty.
Aıtqandaı, mamandar burynǵy menedjerdiń qýylýy komandanyń bas jattyqtyrýshysyn da ornynan alyp tastaýǵa aparatynyn aıtyp otyr.
Degenmen, bul jańalyqtardyń barlyǵy komandanyń jankúıerler qaýymyn beı-jaı qaldyrǵan joq. Olardyń arasynda Ýels fýtbol klýbyna fýtboldan habary joq, ómirlik tájirıbesi az, onyń ústine alystaǵy ózderi úshin qupııasy kóp Qazaqstannan kelgen jigittiń mundaı mańyzdy laýazym tizginin ustaǵanyn unatpaıtyndar da az emes kórinedi. Biraq jergilikti jankúıerler narazylyǵy budan bastalmaǵan. Olar Tannyń komandanyń formasy túsin, emblemasy men atyn ózgertý jónindegi áreketterinen bastalǵan sekildi.
Rýslan Igilik.