Almaty oblysynda bopsalaý jáne qaraqshylyq áreketterge qatysy bar degen kúdikpen bir top adam ustaldy. Ýaqytsha ustaý ızolıatoryna qamalǵan olarǵa tergeý amaldary júrgizilip jatyr, dep jazady Egemen.kz.
Oblystyq polısııa departamentiniń málimetinshe, oqıǵa 17 sáýirge qaraǵan túni Talǵar aýdanynda bolǵan. Aldyn ala derekterge sáıkes, kúdiktiler 28 jastaǵy er adamdy aldyn ala josparlanǵan tásilmen adamdar sırek júretin jerge aldap shaqyrǵan. Keıin olar jábirlenýshini pyshaqpen qorqytyp, kúsh qoldanyp, dene jaraqatyn salǵan. Budan soń ony kúshtep taýly aımaqqa alyp ketken.
Elimizde nekege májbúrleý men adam urlaýǵa qatysty zań ózgeredi
Polısııa dereginshe, qaskóıler jábirlenýshini «zańsyz áreketter jasady» degen jalǵan aqparatty quqyq qorǵaý organdaryna taratamyz dep qorqytyp, 10 mıllıon teńge talap etken. Sonymen qatar quny shamamen 17 mıllıon teńge bolatyn avtokóligin kepil retinde alyp qoıǵan.
Almaty oblysy PD bastyǵy Meıram Ábikeevtiń aıtýynsha, qazirgi ýaqytta sotqa deıingi tergep-tekserý amaldary júrgizilip jatyr. Tergeý barysynda oqıǵanyń barlyq mán-jaıy anyqtalyp, ustalǵandardyń ózge de osyǵan uqsas qylmystarǵa qatysy bar-joǵy tekseriledi.
Bala urlaý isi: Aqtóbede belgisiz bireý kishkentaı qyzdy alyp ketpek bolǵan