Qazaqstanda geologııa salasyn sıfrlandyrý baǵytynda aýqymdy jumystar júrgizilip jatyr. Úkimet otyrysynda ónerkásip jáne qurylys mınıstri Ersaıyn Naǵaspaev muraǵattyq geologııalyq derekterdi elektrondyq formatqa kóshirý qarqyndy júrip jatqanyn málimdedi, dep jazady Egemen.kz.
Mınıstrdiń aıtýynsha, búginge deıin bastapqy geologııalyq aqparattyń 97%-dan astamy, ıaǵnı shamamen 250 terabaıt derek skanerlengen. Bul – salanyń aqparattyq bazasyn tolyq jańǵyrtýǵa baǵyttalǵan mańyzdy qadam.
Jasandy ıntellekt ınsýlttan bolatyn ólim-jitimdi 40%-ǵa tómendetken
Jumystyń tıimdiligin arttyrý maqsatynda jasandy ıntellekt negizinde muraǵat materıaldaryn avtomatty óńdeıtin jáne geologııalyq modelderdi qalyptastyratyn júıe ázirlengen.
«Bul jumysty jedeldetý jáne sapasyn arttyrý úshin jasandy ıntellektini paıdalana otyryp muraǵat materıaldaryn avtomatty túrde óńdeıtin jáne geologııalyq modelderdi qalyptastyratyn júıe ázirlendi», dedi Ersaıyn Naǵaspaev.
Sıfrlanǵan derekter Big Data biryńǵaı júıesine biriktirilgen. Qazirgi ýaqytta júıege 1 terabaıt derek júktelip, jasandy ıntellekt arqyly óńdelip-jiktelip jatyr. Bul tehnologııa koordınattardy avtomatty túrde anyqtap, negizgi aqparatty irikteýge múmkindik beredi.
Jasandy ıntellekt arqyly Qazaqstan shekarasynan ótý ýaqyty 4 saǵattan 30 mınýtqa deıin qysqarady
Nátıjesinde aqparatty júıeleý ýaqyty qysqaryp, sheshim qabyldaý sapasy artady. Osy óńdelgen derekter negizinde jer qoınaýynyń ınteraktıvti kartasy ázirlendi.
Jańa júıe geologııalyq aqparatty yńǵaıly formatta súzýge jáne taldaýǵa múmkindik berip qana qoımaı, perspektıvaly ýchaskelerdi jedel anyqtaýǵa jol ashady.
Endi jasandy ıntellekt kásip ashýǵa tıimdi oryndy tańdap beredi