Elimizde bıznes ashý prosesin jeńildetýge arnalǵan jasandy ıntellekt negizindegi jańa AI-kómekshi ázirlenip jatyr. Bul týraly Úkimet otyrysynda Jasandy ıntellekt jáne sıfrlyq damý mınıstri Jaslan Mádıev málimdedi, dep habarlaıdy Egemen.kz.
Mınıstrdiń aıtýynsha, buryn bir aımaqqa birdeı baǵyttaǵy birneshe bıznes túriniń qatar ashylý qaýpi bolǵan. Mysaly, kofehanalar nemese dárihanalar bir jerde shamadan tys shoǵyrlanýy múmkin edi. Endi júıe kásipkerge karta arqyly tańdaǵan aýmaqtaǵy qoldanystaǵy jáne tirkelip jatqan bıznes nysandaryn kórsetedi.
Jasandy ıntellekt ınsýlttan bolatyn ólim-jitimdi 40%-ǵa tómendetken
Sonymen qatar Qarjy mınıstrligimen birlesip salyq eseptiligi men salyq zańnamasyn túsindiretin táýlik boıy jumys isteıtin AI-kómekshi iske qosylǵan. Ol jańa Salyq kodeksiniń kúshine enýine baılanysty ózekti bolyp otyr. Júıe paıdalanýshylarǵa kúrdeli quqyqtyq mátinderdiń ornyna qarapaıym ári túsinikti keńester beredi.
«Bul jańa Salyq kodeksiniń kúshine enýine baılanysty erekshe ózekti bolyp otyr. Azamattar men bıznes ókilderi salyq máseleleri boıynsha túsindirýlerdi tez ári túsinikti túrde ala alady. Paıdalanýshy kúrdeli zańdyq mátindi emes, ne isteý kerektigi jáne qatelikterden qalaı saqtaný týraly qarapaıym usynystardy alady», dedi mınıstr.
Elimizde salyq túsimderi 7 trıllıon teńgege jaqyndady
Mınıstrdiń sózinshe jasandy ıntellekt klıent aǵynyn, básekelestik ortany jáne aımaqtaǵy bıznes belsendiligin taldap, kásip ashýǵa tıimdi balamalardy usynady. Bul sheshim bıznesti iske qosý kezeńindegi shyǵyndardy eki esege deıin azaıtýǵa jáne kásiptiń turaqtylyǵyn arttyrýǵa baǵyttalǵan.
Qazirgi ýaqytta bul júıe arqyly 5 myńnan astam suranys óńdelgen.