Búginde elimizdiń ár qıyryna baryp,udaıy konsert qoıyp júrgen akter, rejısser Sábıt Ábdihalyqovtyń eki áıeli - burynǵysy Aıgúl Imanbaeva men qazirgisi Altynaı Jorabaevanyń arasynan qara mysyq júgirip ótken sııaqty. Bul týraly NUR.KZ jazdy.
Basylymnyń jazýynsha, bul eki ánshi osy kezge deıin bir-birimen óte jaqsy aralasyp kelgen. Olar tipti juptasyp án de salyp júrgen. Endi jaqyn kúnderi Almatydaǵy Respýblıka saraıynda «Úsh jas baqytty bolsyn!» degen bas taqyryppen kesh te ótkizbekshi bolǵan. Myna kelise almaýshylyq osy keshke daıyndyq barysynda týyndap ketkenge uqsaıdy.
«Eki ánshi kezekti konsertteriniń aldynda bir-birimen sózge kelispeı qalǵan. Jaqyn kúnderi Almatydaǵy Respýblıka saraıynda ótetin keshke ázirge Sábıt pen Altynaıdyń ózderi daıyndyq júrgizýde. «Úsh jas baqytty bolsyn!» degen atpen ótetin kesh aldynda úsh orta jasqa kelgen óner juldyzdarynyń arasynda ne bolǵanyn «31 arna» tilshileri anyqtady», - dep jazady agenttik bul týraly.
«Sábıttiń burynǵy áıeli men qazirgi jary, qazaq estradasynyń eki juldyzy Aıgúl men Altynaıdyń birge júrgenin, odan qalsa sahnaǵa án aıtyp shyqqanyn kórgende jaǵasyn ustap, tań qalyp edi jurt. Búginde kóz úırene bastaǵan bul úshtiktiń qarym-qatynasy jóninde nebir ańyz áńgimeler órip júr. Ekeýi bir-birin shyn mánisinde jek kóredi eken, el aldyndaǵy pıar bul dep shýlasqandar da boldy. Alaıda, bul sózder shyndyqqa janasa qoımasa da, búgin qos áıeldiń arasynan qara mysyq ótkendeı. Almatyda alǵash ret ótetin Sábıt, Aıgúl, Altynaıdyń konsertine daıyndyq ázirge Aıgúlsiz ótip jatyr», - dep túıindeıdi tilshi.
«Biraq bul konsert tómen deńgeıde ótedi degen sóz emes. Búgin burtıǵan qos kelinshek, erteń-aq dos bolyp ketedi», - degendi aıtatyn kórinedi endi Sábıt. «Aldaǵy konsert naǵyz shoýǵa ulasyp, el aldynda otbasylyq qupııamyzdy ashamyz dep otyr olar», - degen qorytyndyǵa keledi jýrnalıst..
Al Altynaı «eski eki áıeldi bir jańa áıelge aýystyram» dep qaljyńdaıtyn Sábıttiń taǵy da eki áıel alsa qarsy emes ekenin aıtatyn kórinedi.
Murat Aıtqoja.
{youtube}2XCef3Sn-rM{/youtube}