Astananyń «Barysy» búgin, 10 qazan kúni óz alańynda Máskeýdiń «Dınamosyn» qabyldap, býllıtten utty. Bul týraly Egemennews.kztilshisi habarlady.
Oıyn óte tartysty ótti. Onyń birinshi kezeńinde qarsylastar esep asha almady. Al ekinshi kezeńniń basynda (22-mınýt) máskeýlik Alekseı Svetkov esep ashty. Osy esep kópke deıin ózgermeı turyp aldy. Alań ıeleri tek kezeń aıaqtalýǵa jaqyn qalǵanda (37-mınýt) tarazy basyn teńestirdi. Muny salǵan Artemıı Lakıza «Barystyń» qatarynan 88 oıyn boıyna gol soǵýyn qamtamasyz etti. Biraq kezeń bitkenshe esep taǵy ózgerdi. Ysqyryq estilýge 3 sekýnd qalǵan shamada Martınsh Karsýms qonaqtardy taǵy alǵa shyǵardy.
Atalmysh latysh oıynshysy 49-mınýtta esepti 3:1-ge apardy. Osymen «Dınamonyń» jeńetini aıqyndalyp qalǵandaı bolǵan. Biraq «Barystyń» jigitteri bulaı oılamapty, olar eki ret ózderiniń alańdaǵy sany artyq bolyp turǵan kezin paıdalanyp, gol soǵyp ketti. Onyń birinshisi Roman Savchenko túsirse, ekinshisin Dmıtrıı Ýpper óziniń esebine jazdy.
Budan keıin oınalǵan overtaım eshteńe sheshken joq. Sosyn kezek býllıtke berildi. Onda sheshýshi soqqyny astanalyq Dastın Boıd jasady.
Osymen astanalyqtar qatarynan ekinshi ret býllıt boıynsha bir upaı alyp otyr.
Damır Qojamqul.