Maýsymnyń 24-i men 26-sy aralyǵynda Memlekettik jastar saıasaty mektebiniń aıasynda óńirlik jastar resýrstyq ortalyqtaryna arnalǵan respýblıkalyq semınar-trenıng ótti, - dep habarlaıdy Egemen.kz.
Onlaın formatta ótken semınar-trenıngke Nur-Sultan, Almaty, Shymkent qalalary men oblystardan 30-dan asa resýrstyq ortalyqtardyń basshylary men qyzmetkerleri qatysty.
Atalǵan sharada Qazaqstan Respýblıkasy Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Madııar Qojahmet jáne "Jastar" ǵylymı-zertteý ortalyǵynyń dırektory Aıan Sakoshev qatysýshylarǵa lebizderin bildirip, semınardyń mańyzdylyǵyn atap ótti.
Aıta keteıik, Memlekettik jastar saıasaty mektebi – Qazaqstan Respýblıkasy Aqparat jáne qoǵamdyq damý mınıstrligi men "Jastar" ǵylymı-zertteý ortalyǵynyń "Rýhanı jańǵyrý" baǵdarlamasynyń aıasynda júzege asyp jatqan birlesken bilim berý baǵdarlamasy.