Densaýlyq saqtaý mınıstrligi habarlaǵandaı, emhanalar janynan COVID-19 jáne pnevmonııa belgileri bar pasıentterdi baqylaý úshin, sondaı-aq medısınalyq kómektiń barynsha qol jetimdiligin qamtamasyz etý úshin jáne asqynýlardyń aldyn alý úshin stasıonarda emdelip shyqqan pasıentterdi baqylaý úshin mobıldi brıgadalar (feldsherlik nemese dárigerlik) qurylady. Budan basqa, mobıldi brıgadalar sozylmaly aýrýlary bar pasıentterge úıde qyzmet kórsetedi, júkti áıelder men balalarǵa kórsetimder boıynsha patronaj júrgizedi, - dep jazady Egemen.kz
"Biz jergilikti densaýlyq saqtaý basqarmasymen tyǵyz baılanystamyz. Medısınalyq mekemeler ózderine júgingen árbir turǵynǵa barynsha kómektesedi. Mobıldi brıgadalar JRVI/KVI/tumaý/pnevmonııa belgileri paıda bolǵan kezde pasıentterge úıge baryp, PTR-testke jaǵyndy (materıal) alady, sondaı-aq dıagnoz qoıý úshin medısınalyq tekserý júrgizedi.
Turǵyndar úshin bul qyzmet tegin.bolady. Ol úshin emhanalarǵa Áleýmettik medısınalyq saqtandyrý qory tóleıdi. Esep boıynsha, mobıldi brıgadanyń bir ret shyǵýy úshin belgilengen tarıf 5 400 teńgeni quraıdy. Mobıldi brıgadanyń qyzmetkerleri jeke qorǵanys quraldarymen, pýlsoksımetrlermen jáne basqa da qajetti kómek kórsetý jáne sol jerde keńes berý quraldarymen qamtamasyz etiledi", dep atap ótti "Áleýmettik medısınalyq saqtandyrý qory" KEAQ Nur-Sultan qalasy boıynsha fılıalynyń baspasóz qyzmeti.