Medısınalyq keshen syıǵa tartyldy

Osydan on aı buryn Par­lament Májilisiniń Áleýmettik-mádenı damý komıtetiniń tóraıymy Darıǵa Nazarbaeva issaparmen Qostanaıǵa kelgende osyndaǵy Mesenattar klýbynyń jumysyna súısin­gendigin jasyrmaǵan edi. Sońǵy jyldary kásipkerlerden tu­ratyn bul qoǵamdyq uıym aýrý balalaryn shetelge emdetý úshin tyǵyryqtan shyǵa almaı otyrǵan ata-analarǵa jáne kom­mýnaldyq qyzmet aqysyn tóleı almaı qaryzǵa batqan ǵarip jandarǵa da kómek qolyn sozdy. Darıǵa Nursultanqyzy jyl basynda kelgende Qostanaı oblystyq Mesenattar klýbyna múshelikke kiretindigin, birge jumys isteıtindigin málim­degen.

Osydan on aı buryn Par­lament Májilisiniń Áleýmettik-mádenı damý komıtetiniń tóraıymy Darıǵa Nazarbaeva issaparmen Qostanaıǵa kelgende osyndaǵy Mesenattar klýbynyń jumysyna súısin­gendigin jasyrmaǵan edi. Sońǵy jyldary kásipkerlerden tu­ratyn bul qoǵamdyq uıym aýrý balalaryn shetelge emdetý úshin tyǵyryqtan shyǵa almaı otyrǵan ata-analarǵa jáne kom­mýnaldyq qyzmet aqysyn tóleı almaı qaryzǵa batqan ǵarip jandarǵa da kómek qolyn sozdy. Darıǵa Nursultanqyzy jyl basynda kelgende Qostanaı oblystyq Mesenattar klýbyna múshelikke kiretindigin, birge jumys isteıtindigin málim­degen. Depýtat sózinde tur­dy. Osy ýakyt ishinde oblys Me­senattar klýbymen baılanysyn úzbeı, olardyń bastamasy jáne kómegimen jyljymaly medısınalyq ambýlatorııalyq keshendi Jitiqara aýdandyq aýrýhanasyna syılady. Bul oblys mesenattaryna 53 mıllıon teńgege tústi. Al ol alys eldi meken turǵyndarynyń den­saý­lyǵyn tekserý, ozyq deńgeıde profılaktıkalyq jumystar júrgizý úshin óte qajet. Jyl­jymaly ambýlatorııanyń ishinde rentgen, EKG, ÝZI já­ne gastrofıbraskop sııaqty aý­rý dıagnozyn dál anyqtaýǵa múmkindik jasaıtyn zamanaýı jabdyqtardyń barlyǵy da bar.

Oblys ákimi Nuraly Sá­dýaqasov medısınalyq ke­shen­niń alynýyna muryndyq bolǵan Darıǵa Nazarbaevaǵa jáne qoldaý kórsetken oblys kásipkerlerine rahmet aıtty.

– Tek jitiqaralyqtar ǵana emes, oǵan irgeles, biraq oblys ortalyǵynan tym shalǵaıda ornalasqan Qamysty, Denısov aýdandarynyń da turǵyndary bul zamanaýı jyljymaly ambý­latorııanyń paıdasyn kóretin bolady. Jitiqara aýdanynda 60 myńdaı, Qamysty, Denısov aýdandarynda osy qaralas adam turatynyn eskersek, bul keshen mańyzdylyǵynyń qandaı ekenin bile berińiz, – dedi oblys ákimi.

– Densaýlyq saqtaý salasynda qandaı qaıyrymdylyq jumys jasasa da artyq emes. Biz úshin basty baılyq – adamdar, – dedi Darıǵa Nazarbaeva. Darıǵa Nazarbaevanyń áleýmettik mańyzdy sapary munymen shektelgen joq. Ol jetekshilik etetin «Degdar» qaıyrymdylyq qorynyń uıymdastyrýymen «Júrek sazy» mýzyka festıvali de qostanaılyqtarǵa tartý etildi. Onyń aıasynda ánsúıer qaýym Darıǵa Nazarbaevanyń konsertin tamashalady.

Názıra JÁRIMBETOVA,

«Egemen Qazaqstan».

QOSTANAI.