Memleket basshysy N.Á.Nazarbaevtyń Qurban aıt meıramyna oraı Qazaqstan halqyna arnaǵan quttyqtaýy
Qymbatty otandastar!
Barshańyzdy aıtýly mereke – Qurban aıt meıramymen shyn júrekten quttyqtaımyn!
Bul meıram – ult pen ulysty uıystyratyn rýhanı uly qundylyqtardyń biri. Osy qasıetti kúnderi kópshilik jurt qurbandyq shalyp, bir-birine tek jaqsylyq tileıdi. Bereke men birlikti, qaıyrym men qanaǵatty arttyratyn qutty meıram – Qurban aıt adamdardyń etene aralasýyna, ulttar men dinderdiń ózara yntymaqtastyǵyna jol ashady.
Memleket basshysy N.Á.Nazarbaevtyń Qurban aıt meıramyna oraı Qazaqstan halqyna arnaǵan quttyqtaýy
Qymbatty otandastar!
Barshańyzdy aıtýly mereke – Qurban aıt meıramymen shyn júrekten quttyqtaımyn!
Bul meıram – ult pen ulysty uıystyratyn rýhanı uly qundylyqtardyń biri. Osy qasıetti kúnderi kópshilik jurt qurbandyq shalyp, bir-birine tek jaqsylyq tileıdi. Bereke men birlikti, qaıyrym men qanaǵatty arttyratyn qutty meıram – Qurban aıt adamdardyń etene aralasýyna, ulttar men dinderdiń ózara yntymaqtastyǵyna jol ashady.
Ol jetim-jesirdi jebeý, muqtajǵa qolushyn berý sııaqty gýmanıstik dástúrlerdi nyǵaıtýǵa qomaqty úles qosady. Ata-babalarymyz osy asyl úrdisterdi ǵasyrlar boıy urpaqtan-urpaqqa jalǵastyryp keledi.
Elimiz azattyq alǵaly beri ata dinimiz naǵyz órkendeýdiń jolyna tústi. Din óz rýhanılyq negizderin nyǵaıtatyn, ózgege ónege bolatyn izgi nıet pen ıgi áreketten kórinis tabady. Dinniń basty muraty – qoǵamnyń bıik rýhanı mádenıetin qalyptastyrý.
Qazaqstan halqynyń basym bóligin quraıtyn musylman jamaǵaty memleketimizdegi birlik pen yntymaqtyń bekem bola túsýine aıtarlyqtaı úlesin qosýda. Elimizdegi túrli din ókilderiniń ózara tatýlyǵy álemge úlgi kórsetip otyrǵany qýantady.
Halqymyz óz rýhanı bolmysyn saqtap, erik-jigerin arttyra otyryp, odan ári órkendeý jolyna qadam basa beredi dep kámil senemin. Alla taǵala barlyq duǵa-tilekterińizdi qabyl etsin!
Qurban aıt múbárak bolsyn!
Barsha qazaqstandyqtarǵa bereke-birlik, beıbit ómir, ár shańyraqqa ıgilik pen amandyq tileımin!