Úsh aıdyń ishinde oblystaǵy 3 myńnan astam medısına qyzmetkeri jalpy somasy 1,2 mlrd. teńge kóleminde bekitilgen ústemaqylaryn aldy. Sol sııaqty jergilikti bıýdjet esebinen 1023 medısına qyzmetkerine jalpy somasy 137 mln teńge syıaqy berildi. Bul týraly búgin ótken onlaın brıfıngte aıtyldy, dep habarlaıdy Egemen.kz Almaty oblysy ákiminiń baspasóz qyzmetine silteme jasaı otyryp.
Almaty oblysy ákiminiń orynbasary Batyrjan Baıjumanov brıfıng barysynda koronavırýs indetimen kúres sharalary týraly keńinen aıtyp berdi. Onyń aıtýynsha, COVID-19 ınfeksııasynyń taralýynyń aldyn alý maqsatynda oblys halqynyń áleýmettik áljýaz sanatyndaǵy 30 myń turǵynyna 50 mln teńge somasyna vırýsqa qarsy preparattar satyp alý josparlanyp otyr.