Budan birer kún buryn Qostanaıda Memleket basshysynyń úlken qyzy Darıǵa Nazarbaevanyń jeke konserti bolyp ótti. Konsert ótken oblystyq fılarmonııanyń zalynda ıne shansharlyq oryn bolmaǵan. Bul týraly jergilikti «Nasha gazeta» habarlady.
«Sońǵy jyldary klassıkalyq ánderdi oryndaýdyń sheberi retinde tanylyp qalǵan Darıǵa Nazarbaevanyń repertýarymen tanysýǵa úlken men kishi túgel jınaldy», - dep málimdedi bizdiń óz mánbemiz. Olardyń arasynda oblystyq deńgeıdegi basshylardan, bıznesmenderden, memlekettik qyzmetkerlerden, JOO rektorlarynan bólek, Olga Kıkolenko, Irına Aronova, Zaǵıpa Balıeva, Azat Perýashev sekildi Májilis depýtattary bolǵan.
Al konsertte orys jáne qazaq tilderindegi shyǵarmalar oryndalǵan. Sonyń ishinde kórermender «Kók oramal», «Kel, temeki shegeıik», «Kete kórme, meniń kógershinim», «Kezdeısoq vals», «Essiz túnder», «Men jigitti súıip qaldym», «Esińe túsirip áýre bolma» sekildi soǵys jyldaryndaǵy áýender men eski romanstardy súısine tyńdady.
«Árbir nómir qol shapalaqtaýmen shyǵaryp salyndy. Keıde oryndaýshyǵa gúl shoqtaryn berý úshin kezek kerilip jatty. Eń sońynda oblys ákimi Nuraly Sádýaqasov qonaqqa keminde júz tal raıhan gúli bar kárzeńke tapsyrdy», - delingen aqparda.
Sáken Maılybaı.