Sybaılas jemqorlyqqa qarsy is-qımyl agenttigi tóraǵasynyń tapsyrmasyna sáıkes Túrkistan oblysy boıynsha Departamentiniń basshysy Hakım Kóshqalıev bastaǵan jedel top dárihanalarǵa baryp, dárilik zattardyń baǵa turaqtylyǵyna jáne suranysqa ıe dári-dármekterdiń jetkizilý deńgeıine zerdeleý jumystaryn júrgizdi, dep habarlaıdy Egemen.kz.
Monıtorıngtik jumysshy top júrgizgen zerdeleý jumystary barysynda Túrkistan qalasynda ornalasqan dárihana uıymdarynda shekti baǵanyń tolyq saqtalǵandyǵy jáne "JK Erbulan", "JK Djapaqov" dárihanalarynda suranysqa ıe dárilik zattardyń, sonyń ishinde "sef III", "parasetamol", "azıtromısın", "ıngaverın", "meropenem", "askorbınovaıa kıslota", "sefamed", "deksametazon" dári-dármekteriniń jetispeýshiligi anyqtaldy. Sonymen qatar, dárihanalardaǵy baǵa ósimine júrgizilgen monıtorıng jumystary Kentaý qalasynda da júrgizilip, nátıjesinde "Balabıeva ı K" dárihana uıymynyń dárilik zattardy bekitilgen shektik baǵadan ósirgendigi málim boldy. Anyqtalǵan zańbuzýshylyq deregi boıynsha dárihana uıymy zań aıasynda ákimshilik jaýapkershilikke tartyldy.
Departament baspasóz qyzmetiniń habarlaýynsha, oblysqa qarasty dárihanalarǵa monıtorıng jumystary kún saıyn turaqty túrde júrgizilýde.