Karantın rejimi jaǵdaıynda talapkerlerge yńǵaıly bolýy úshin BǴM bilim berý grantyn taǵaıyndaý konkýrsyna qatysý úshin ótinishterdi qabyldaý merzimin uzartty, dep habarlaıdy Egemen.kz
Qujattar 20 shildege deıin emes, 25 shildege deıin qabyladanady.
Memlekettik bilim berý grantyn taǵaıyndaý konkýrsyna qatysý úshin talapker Egov.kz "elektrondy úkimet" portaly arqyly kelesi qujattardy tapsyrý qajet:
ótinish;
bilimi týraly qujat;
jeke kýálik kóshirmesi.
MEDISINALYQ ANYQTAMALAR ÝAQYTShA TALAP ETILMEIDI.
UBT sertıfıkaty júıede avtomatty túrde paıda bolady, sondyqtan ony Egov.kz- ke júkteýdiń qajeti joq.
UBT sertıfıkattary elektrondy formatta berilgen bolatyn!
Konkýrs nátıjesi boıynsha memlekettik granttyń berilgeni týraly elektrondy sertıfıkat usynylady. Talapkerlerge qaǵaz sertıfıkattardy alý úshin eshqaıda barýdyń qajeti joq.
Granttardy taǵaıyndaý formaty ózgergen joq, ıaǵnı maýsym aıynda ótken UBT qorytyndysy boıynsha úmitkerler memlekettik bilim berý grantyn taǵaıyndaý konkýrsyna qatysady. Osy jyly granttar oqý tiline baılanysty bolmaıdy.
Joǵary oqý oryndaryna talapkerlerdi tamyzdyń 10-25 aralyǵynda oqýǵa qabyldaıtyn bolady.
Joǵary oqý oryndarynda bilim qashyqtan beriledi. Dástúrli format jeke keste boıynsha zerthanalyq jumystar, óndiristik oqytý jáne kásibı praktıka úshin ótkiziledi.