Túrkııa men Eýropadaǵy qandastardan kelgen gýmanıtarlyq kómek aýrýhanalarǵa taratylyp jatyr, dep jazady Egemen.kz "Otandastar" qoryna silteme jasap.
14 shilde kúni Nur-Sultan ýaqytymen saǵat 02:30-da Túrkııa men Eýropadaǵy qandastar birigip uıymdastyrǵan gýmanıtarlyq kómek Qazaqstanǵa kelip jetken bolatyn.
Kómektiń jalpy salmaǵy - 900 kıllogramǵa jýyq. Onyń ishinde medısınalyq zattar (betperde, termometr, qorǵanysh kostıýmderi jáne basqalar) jáne ókpeni jasandy jeldetý qurylǵylary bar. Bul medısınalyq jabdyqtar elimizdegi aýrýhanalarǵa úlestiriledi.
Júktiń bir bóligin «Dúnıejúzi qazaqtarynyń qaýymdastyǵy», «Otandastar kory» jáne elimizge Túrkııadan arnaıy kelgen qazaq dıasporasynyń ókilderi Nur-Sultan qalasyndaǵy juqpaly aýrýlar ortalyǵyna tapsyrdy. Gýmanıtarlyq kómektiń qalǵan bóligi Almaty, Shymkent jáne ShQO emhanalaryna jetkiziledi.