Armenııa men Ázirbaıjan arasyndaǵy qarýly qaqtyǵys saldarynan keminde tórt ázirbaıjan áskeri qaza tapty. Jalpy talas-tartystyń jalǵasyp kele jatqanyna 30 jylǵa jýyqtady. Sodan beri bul másele memleketaralyq emes, halyqaralyq daýǵa aınalyp úlgerdi, - dep habarlaıdy Egemen.kz Qazaqstan ulttyq arnasyna silteme jasap.
Bul joly Ázirbaıjan Armenııany Tovýz oblysy mańyndaǵy shekarada atysty toqtatý erejelerin buzdy dep aıyptaıdy. 12-shi shildede Ázirbaıjannyń qorǵanys mınıstrligi Armenııamen shekaradaǵy atys týraly málimdedi.
Vedomstvonyń habarlaýynsha, armıan áskerıleri Agdam aýlyna oq jaýdyrǵan. Al Armenııa tarapy áskerıler beıbit turǵyndarǵa emes, Ázirbaıjan armııasynyń ınjenerlik qurylymdaryna oq atqanyn moıyndady.
Taýly Qarabaq janjalynyń qaıta ýshyǵýy álem elderin sarsańǵa saldy. Al elimiz bul bitpes daýdyń beıbit jolmen sheshilýin qoldaıdy. Syrtqy ister mınıstrliginiń resmı málimdemesinde, Qazaqstan halyqaralyq kelisim qujattaryna súıene otyryp, taraptardy oq atýdy toqtatýǵa shaqyratynyn bildirgen.