"Eýrazııalyq ekonomıkalyq odaq (EAEO) tuqym sharýashylyǵy jáne mal sharýashylyǵy týraly zańnamany ǵylymı negizde biriktirip birdeı etýde" dep habarlaıdy Egemen.kz Eýrazııalyq ekonomıkalyq komıssııanyń (EEK) saıtyna silteme jasap.
"Eýrazııalyq ekonomıkalyq komıssııa Eýrazııalyq ekonomıkalyq odaq elderine jemis, jıdek daqyldary men júzimge qoldanylatyn ónimniń suryptyq qasıetterin anyqtaý ádisterin biriktirýge, sondaı-aq mal sharýashylyǵyndaǵy seleksııalyq jetistikterdi synaýǵa kómektesýge daıyn. Osy baǵyttarda ǵylymı-zertteý jumystaryn júrgizý josparlanýda", - dep habarlady agroónerkásiptik keshendegi Konsýltatıvtik komıtettiń keshegi otyrysynda.
Konsýltatıvtik komıtettiń músheleri álemdik tájirıbeni eskere otyryp, EAEO aıasynda jemis-jıdek daqyldarynyń jáne júzim ónimine qoldanylatyn materıaldarynyń (analyq plantasııalar, pıtomnıkter) suryptyq (pomologııalyq) qasıetterin anyqtaýdyń ǵylymı negizdelgen ádisterin ázirleýdiń durystyǵyn quptady.
Zertteý jumysynyń nátıjeleri boıynsha ázirlengen biryńǵaı ádister Odaqtyń saýda-sattyǵy kezinde qujattardy ózara qabyldaý úshin ónimderdiń suryptyq qasıetterin baǵalaý prosedýralary men nátıjeleriniń durystyǵyn qamtamasyz etedi, bul EAEO memleketterinde jemis, jıdek daqyldary men júzim satý naryǵyn damytýǵa yqpal etedi.
Mal ósirý máselelerin talqylaý kezinde EAEO elderi úshin aýyl sharýashylyq maldarynyń jańa tuqymdaryn, túrlerin, suryptaryn baǵalaýdyń biryńǵaı ádistemesi jasalady, onyń ishin dejylqy, túıe, iri qara mal men shoshqa, usaq maldar, qus, ań terisi, balyqtar, aralardyń túrin anyqtaý jáne aýrýlarǵa tózimdiligin bilý tásilderi jasalady.
Sondaı-aq, osy taqyryptaǵy zertteýler EAEO aıasynda aýylsharýashylyq maldary men seleksııalyq-asyldandyrý jumystaryn birizdendirýge baǵyttalǵan sharalar týraly kelisim jasaldy jáne odaqqa múshe memleketterde aýylsharýashylyq maldardyń jańa túrlerin tuqymdaryn aprobasııalaý tártibin iske asyrý úshin qajet ekendigi atap ótildi. Atalǵan jumys 2021 - 2022 jyldary aıaqtalady dep kútilýde.
Zamanaýı halyqaralyq tásilderdi eskere otyryp ázirlengen tıisti ádisti odaq elderiniń ýákiletti organdary mal sharýashylyǵyndaǵy seleksııalyq jetistikterdi synaý kezinde qoldanady, bul osy saladaǵy jumysty biriktirip, olardyń EAEO-da tanylýyn qamtamasyz etedi, dep atap ótti baspasóz qyzmeti.