Kaırde Mysyrdyń Ýaqyptar mınıstrliginiń ýaǵyz zertteý departamentiniń dırektory, belgili teolog Haled As-Saıd Ǵanemniń "Abaıdyń Qazaqstan halqyna ósıetteri" atty arab tilindegi kitaby jaryq kórdi, - dep habarlaıdy Egemen.kz mınıstrliktiń baspasóz qyzmetine silteme jasap.
Mysyrlyq ǵalym óz eńbeginde qazaqtyń uly aqyny jazǵan "Qara sózderiniń" maǵynasyn, olardyń fılosofııalyq mánin, ulttyq tárbıe men dúnıetanym, moral men quqyq máselelerine kózqarasyn túsindirýge tyrysty.
Bul Haled as-Saıd Ǵanemniń Abaı murasyna qatysty jáne jalpy Qazaqstan týraly alǵashqy kitaby emes. 2014-2017 jyldary ol "Nur-Múbarak" Qazaqstan-Mysyr ıslam mádenıeti ýnıversıtetinde oqytýshy bolyp jumys istedi jáne qazaq halqynyń tarıhy, dini jáne mádenıeti týraly kóptegen ǵylymı eńbekter jazdy.
Qazirgi ýaqytta mysyrlyq ǵalym qazaqstandyq shyǵystanýshylarmen birlesip, "Ulttyq aýdarma bıýrosy" QR Ulttyq ortalyǵy basyp shyǵaratyn Abaıdyń "Qara sózderi" men óleńderiniń jınaǵyn arab tiline aýdarý ústinde.