Nur-Sultanda adamdar kóp jınalatyn jerlerde-saıabaqtarda, skverlerde, jaǵalaýlarda jáne býlvarlarda dezınfeksııa júrgizildi, - dep habarlaıdy Egemen.kz.
Dezınfeksııalaý jumystary jaıaý tártipte de, arnaıy mashınalardyń kómegimen de júrgiziledi.
Barlyǵy 30 mln sharshy metr dezınfeksııalandy. Sanıtarlyq dárigerdiń qaýlysyna sáıkes saýda oıyn saýyq ortalyqtarynyń, saýda úıleriniń, bazarlardyń basshylary óz aýmaǵynda dezınfeksııa júrgizýi tıis.
Esterińizge sala keteıik, memlekettik komıssııanyń sheshimimen epıdemıologııalyq ahýaldy turaqtandyrý úshin shekteý sharalary 2 tamyzǵa deıin uzartyldy. Qala turǵyndary sanıtarııa normalaryn qatań saqtaýy kerek: maska taǵyp, antıseptıkterdi qoldanyp, áleýmettik qashyqtyqty saqtaý qajet.