Elimizde tótenshe jaǵdaı jarııalanǵannan bastap Qazaly aýdanynda aýrýdyń aldyn alý jáne juqpaly indettiń taralmaýy úshin kóptegen jumystar qolǵa alyndy. Jaqynda aýdandyq bıýdjetten bólingen qarjyǵa 5 ottegi konsentratory satyp alyndy. Onyń úsheýin aýdan ákiminiń orynbasary Álibı Ábıev aýdanaralyq aýrýhana ujymyna tabys etti, dep habarlaıdy Egemen.kz
– Búgingi kúni elimizde órship turǵan COVID-19 ınfeksııasy men pnevmonııany emdeýde bul qurylǵynyń mańyzy zor. Osyndaı qysyltaıań sátte dárigerlerge qoldaý kórsetip jatqan aýdan ákimi Murat Ergeshbaevqa rızashylyǵymyzdy bildiremiz. Aýdan basshysy buǵan deıin de kúni-túni aýrýmen arpalysyp jatqan aq halattylarǵa kómegin aıaǵan emes, deıdi aýrýhana dárigeriniń bas dárigeri mindetin atqarýshy Baqytkúl Álisheva.
Munan soń aýdan ákiminiń orynbasary temirjol aýrýhanasyna baryp, dáriger Qubyl Rshymbetov bastaǵan medısına qyzmetkerlerine 2 dana ottegi konsentratoryn tabystady.
Aıta keteıik, bir adamǵa arnalǵan "Armed" 7F-3L ottegi konsentratory mınýtyna 3 lıtr, saǵatyna 180 lıtr ottegi óndiredi. Bul apparattyń taǵy bir tıimdiligi 24 saǵat boıy jumys isteı beredi.