Nur-Sultanda mobıldi brıgadalar pnevmonııa jáne koronavırýs ınfeksııasy bar naýqastarǵa kómek kórsetedi, dep jazady Egemen.kz.
№ 2 qalalyq emhana dırektory Lázzat Rýspekovanyń aıtýynsha, emhana bazasynda 290 naýqas emdelip shyqqan. Búginde 135 adam medısınalyq kómek alýda, onyń 53-i saýyǵý kezeńinde.
"Dál osyndaı naýqastar úshin mobıldi toptar qajet. Biz olardy tegin dári-dármektermen, sonyń ishinde antıbıotıktermen qamtamasyz etemiz. Úıde olar qajetti emin sıstema túrinde alady. Mobıldi toptyń dárigeri olarǵa úsh kúnde bir ret barady, jaǵdaıyn tekseredi. Qannyń ottegimen qanyǵý deńgeıin, temperatýrasyn ólsheıdi", – deıdi Lázzat Rýspekova.
Sonymen qatar dárigerler mundaı naýqastarǵa Damumed qosymshasy arqyly qońyraý shalyp, jaǵdaıyn bilip otyrady. Barlyq naýqastar qashyqtan satýrasııa men termometrııanyń qandaı ekenin anyqtaıtyn pýltometrmen qamtamasyz etilgen. Emhana basshysy sondaı-aq, ótken aptadan bastap olarǵa mobıldi brıgadalarǵa óz kólikterin usynatyn eriktiler kelgenin atap ótti. Mundaı jumystar Nur-Sultan ákimdiginiń qatysýymen de uıymdastyrylýda.
Esterińizge sala keteıik, maýsym aıynan bastap Densaýlyq saqtaý mınıstrliginiń buıryǵymen, koronavırýs pen pnevmonııaǵa shaldyqqan naýqastarǵa kómek kórsetý úshin mobıldi brıgadalar qurylǵan.
Búginde Nur-Sultanda 200-ge jýyq mobıldi brıgada jumys isteıdi. Brıgada bes myń turǵynǵa bir mobıldi top esebimen quryldy.