Shymkent qalasyndaǵy Badam shaǵyn aýdanyna qarasty 195-oram turǵyndary bıyl tolyǵymen aýyz sý men kógildir otynǵa jáne elektr jaryǵymen qamtamasyz etiletin bolady. Atalǵan shaǵyn aýdannyń turǵyndarymen kezdesken Ál-Farabı aýdanynyń ákimi Ǵabıt Máýlenqulov osylaı dedi, - dep jazady Egemen.kz
Kezdesý barysynda aýdan ákimi barlyq ınfraqurylym jumystary aıaqtalǵan soń asfalt jol tóselip, qoǵamdyq kólikte qatynaıtynyn jetkizdi. Sondaı-aq, ol aldaǵy ýaqytta mektep pen balabaqsha salynatynyn da atap ótti.
Buǵan deıin 195-oramdaǵy 300-ge jýyq otbasy sýdy tasymaldap paıdalanyp kelgen bolsa, jeke menshik qýat rettegishten qymbat energııa jaryǵyn alyp kelgen.
Mamyr aıynda bastalǵan qurylys jumystary toqtaýsyz júrip jatyr. Jaýapty merdiger kompanııa "Jánibek Aıdos" JShS-niń proraby Teńel Jaqsymuratov nysandy qarasha aıynda tapsyramyz dep otyr.