Búgin Mádenıet jáne sport mınıstrligi Syrtqy Ister mınıstrliginiń jáne Qazaqstan Respýblıkasynyń AQSh-taǵy Elshiliginiń qoldaýymen AQSh-tan kelgen mádenı qundylyqtarymyz Ulttyq mýzeıge qaıtaryldy, dep habarlaıdy Egemen.kz
Kelissózder nátıjesinde 2005 jyly Prezıdenttik mádenı ortalyq (Astana qalasy) qorynan ǵylymı zertteýler júrgizý úshin AQSh-qa jiberilgen Botaı mádenıetininiń osteologııalyq kolleksııalary elge qaıtaryldy. Zertteý jumystaryn Jaratylys tarıhy mýzeıiniń professory, Kanzas Ýnıversıteti Bıoalýantúrlilik ınstıtýtynyń arheologııa bóliminiń aǵa kýratory, doktor Sandra Olsen júrgizgen.
Kolleksııa 2000-2004 jyldar aralyǵynda Aqmola oblysynyń aýmaǵyndaǵy Vasılkovka jáne Krasnyı Iаr qorymdarynda júrgizilgen arheologııalyq zertteýler nátıjesinde tabylǵan. Bul mádenı jádigerler Botaı mádenıetine jatatyn 528 arheologııalyq zattan turady.
Botaı mádenıeti – j.s.d. 3700-3100 jyldary Qazaqstannyń soltústiginde (Aqmola oblysy) eneolıt dáýiriniń arheologııalyq jaýhary ispettes.