Pedagogterdiń jalaqysyn ulǵaıtý boıynsha qabyldanǵan sharalar týraly Bilim jáne ǵylym mınıstrliginiń baspasóz qyzmeti habarlady, - dep jazady Egemen.kz
QR «Pedagog mártebesi týraly» Zańyna sáıkes:2020 jyldyń qańtarynan bastap pedagogterdiń laýazymdyq jalaqylary 25%-ǵa kóbeıdi. Pedagogterdiń laýazymdyq jalaqylary jyl saıyn 25%-ǵa ósip otyrady jáne 4 jyldyń ishinde pedagogterdiń eńbekaqylary eki esege artady.Sonymen qatar, biliktilik sanaty boıynsha:pedagogterge laýazymdyq jalaqydan 30-dan 50%-ǵa deıingi mólsherde;mektep dırektory men olardyń orynbasarlaryna laýazymdyq jalaqydan 30-dan 100%-ǵa deıingi mólsherde ústemaqylar engizildi.2020 jyldyń qyrkúıeginen bastap dápter tekserý men synyp jetekshiligi úshin tólenetin ústemaqy kólemi eki esege artady.Ǵylymı-pedagogıkalyq baǵyt boıynsha magıstr dárejesi bar bastaýysh, negizgi orta, jalpy orta bilim berý uıymdarynyń muǵalimderine 10 AEK (27 780 teńge) mólsherinde qosymsha aqy tólenedi. Odan bólek, bastaýysh, negizgi orta, jalpy orta bilim berý uıymdarynyń tálimgerlik júrgizetin muǵalimderine 17 697 teńge mólsherinde ústemaqy tólenedi.