5 shilde men 22 shilde aralyǵynda Batys Qazaqstan oblysynda farmasevtıkalyq qyzmet boıynsha quqyq buzýshylyqtar týraly 42 oqıǵa anyqtaldy dep habarlaıdy Egemen.kz.
Bul týraly Batys Qazaqstan oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti málimdegen. Atalǵan ýaqyt ishinde óńirdegi polısııa, Sybaılas jemqorlyqqa qarsy is-qımyl agenttigi jáne Ekonomıkalyq tergeý departamentterinen osynsha is kelip túsken.
Sonyń ishinde Ákimshilik quqyq buzýshylyq týraly Kodekstiń 424 baby 1 bóligi boıynsha lısenzııasyz qyzmeti úshin 5 jeke tulǵaǵa jalpy kólemi 34 725 teńge aıyppul salyndy. Taǵy bir materıal qaralý ústinde.
Sonymen qatar, dárilik preparattardyń qunyn shekti baǵadan asyryp satqany úshin "Mendybaeva J.G." jeke kásipkeri men "Adema-Farm" JShS 361 140 teńge aıypqa tartylǵan.
Zań buzýshylyqtardyń biraz bóligi Qazaqstan Respýblıkasynda qoldanýǵa ruqsat berilmegen dárilik zattardy satýǵa qatysty tirkelip otyr. Máselen, osyndaı 20 materıal arnaıy ákimshilik sotqa jiberilip, bes is boıynsha 100-den 300-ge deıingi AEK kóleminde aıyppul salyndy. Mundaı zańsyzdyqpen kózge túsken dárihanalardyń qatarynda "Botova I.P.", "Kalýgına V.M." jeke kásipkerleri men "MedMarket-Ekspert" JShS bar.
Sondaı-aq tıisti tirkeýsiz, ruqsatsyz nemese habarlama jibermeı kásipkerlik nemese ózge de qyzmetpen aınalysý, sondaı-aq is-áreketterdi júzege asyrý boıynsha úsh materıal sotqa jiberilip, "Nobel AFF" aksıonerlik qoǵamyna 150 AEK kóleminde aıyppul salyndy. Qalǵan materıaldar qaralý ústinde.
Batys Qazaqstan