Qaraǵandy oblysynyń ákimi Jeńis Qasymbek Sátbaev qalasynda bolǵan bes jastaǵy qyzdy urlaý isi Memleket basshysynyń jeke baqylaýynda ekenin beıne úndeý arqyly málimdedi, – dep habarlaıdy Egemen.kz.
Oblys ákimi kúdiktiniń ustalǵanyn, sondaı-aq qazirgi kezde osy oqıǵa boıynsha barlyq tıisti tergeý is-sharalarynyń júrgizilip jatqanyn jetkizdi.
"О́kinishke qaraı, Sátbaev qalasynda oqıǵa bolǵan túni kinásiz adamdarǵa zııan keltirildi. Tártip buzýshylardy toqtatý úshin jeke quram oqıǵa ornyna jumyldyryldy. Men azamattarymyzdyń júregi narazylyqqa toly ekenin túsinemin jáne onymen kelisemin. Biraq, biz quqyqtyq memlekette ómir súremiz, sondyqtan da emosııamyzdy tejeı bilip, bolǵan jaǵdaıdy quqyqtyq alańda qarastyrýymyz kerek", – dedi Jeńis Qasymbek.
О́ńir basshysy tergeý amaldary aıaqtalǵannan keıin, kinálini qatań jaza kútip turǵanyn atap ótti.
Eske salar bolsaq, keshe, ıaǵnı 23 shilde kúni Sátbaev qalalyq polısııa bólimine bes jastaǵy qyzynyń joǵalǵany týraly er adam kelip habarlaǵan bolatyn. Izdestirý jumystaryna jergilikti polısııa bóliminiń barlyq jeke quramy men júzden astam eriktiler jumyldyryldy. Joǵalǵan qyz bala túnde kópqabatty úıdegi páterlerdiń birinen tabyldy. Bul oqıǵa qala turǵyndary arasynda úlken shý týdyryp, onyń sońy jappaı tártip buzýshylyqqa ákele jazdady.
Qazirgi ýaqytta qyz bala ata-anasymen birge úıde. О́ńir basshysy onyń densaýlyǵyn úzdik mamandar qadaǵalaıtyn bolady dep sendirdi.
Sonymen qatar, Jeńis Qasymbek qaladaǵy jaǵdaıdyń turaqtanǵanyn atap ótti. Dál qazirgi sátte Sátbaevtaǵy tirlik qalypty ómir arnasyna túsken.
Qaraǵandy oblysy