Jeńil salmaqtaǵy UFC chempıony Habıb Nurmaǵomedov pen "ýaqytsha chempıon" belbeýiniń ıegeri Djastın Getjı arasyndaǵy jekpe-jek 24 qazanda ótetin boldy, - dep habarlaıdy Egemen.kz.
Bul básekeni kópshilik taǵatsyzdana kútip otyr. Sebebi, 31 jastaǵy reseılik sportshy áli eshkimge ese jibergen emes. 2012 jyldan beri ol 28 kezdesý ótkizip, barlyǵyn óz paıdasyna sheshti. 18 márte aıqyn basymdyq tanytty.
Osydan eki jyldan asa ýaqyt buryn Habıb amerıkalyq El Iаkvıntany upaı sanymen utyp, UFC chempıony atandy. Odan keıin ırlandııalyq Konor Makgregor men AQSh-tyń taǵy bir ókili Dastın Poreniń tas-talqanyn shyǵaryp, ózine tıesili ataqty qorǵap qaldy.
Djastın Getjı Habıbtiń qurdasy. Ol AQSh-tyń Arızona shtatynda týyp ósti. 2008 jyldan beri aralas jekpe-jekti serik etýde. Sol aralyqta 24 márte oktagonǵa shyǵyp, 22 ret jeńis toıyn toılady. 20 básekeni merziminen buryn aıaqtady. Bıyl kóktemde ol óziniń otandasy – Tonı Fergıýsondy uryp shyǵyp, "ýaqytsha chempıon" ataǵyn ıelendi.