Memlekettik qyzmet isteri agenttiginiń tóraǵasy Anar Jaılǵanova Facebook áleýmettik jelisindegi paraqshasynda qazaqstandyqtardy Qurban aıt meıramymen quttyqtady, dep habarlaıdy Egemen.kz
"Barshalaryńyzdy kelip jetken qasıetti Qurban aıt merekesimen quttyqtaımyn!
Qurban aıt halyqtyń birligi men qoǵamdaǵy konfessııaaralyq kelisimdi nyǵaıtýǵa yqpal etetin shyn mánindegi mańyzdy merekege aınaldy.
Rýhanı-adamgershilik qasıetterdi, tarıhı dástúrler men ulttyq ádet-ǵuryptardy beıneleıtin Qurban aıt tek musylmandardy ǵana emes, búkil adamzatty meıirimdilik, tózimdilik pen qurmet kórsetýge shaqyrady.
Adam balasynyń baqytty ári maǵynaly ómirin tek materıaldy ıgilikter ǵana quramaıdy. Baıandy baqytqa jetýde rýhanı negizderdiń mańyzdy oryn alatyny sózsiz.
Bıyl koronavırýs indetiniń taralýyna baılanysty halyqtyń densaýlyǵyn saqtaý jolynda kóptegen meıramdar men is-sharalardy atap ótý toqtatylǵany barshamyzǵa málim. COVID-19 indeti bizdi kóptegen dúnıege jańa kózqaraspen qaraýǵa májbúr etti. Osy ýaqytta bir-birimizge qamqorlyq pen shydamdylyq úlgisin kórsetý barynsha mańyzǵa ıe.
Búgingi Qurban aıt merekesi rýhanı serpilisimizge sebepker bolyp, árbir shańyraqqa qut-bereke ákelsin.
Barshalaryńyzǵa zor densaýlyq, bereke, baqyt tileımin! Aıt qabyl bolsyn!", dep jazdy Anar Jaılǵanova.