Ulybrıtanııa Premer-mınıstri Borıs Djonson COVID-19-ǵa qatysty shekteýlerdiń ázirge alynbaıtynyn qynjyla otyryp jetkizdi, dep habarlaıdy Reuters.
"Tamyzdyń basynda shekteýlerdi alyp tastaımyz dep josparlaǵanymyzben jaǵdaıǵa baılanysty olardy qaldyrýdy uıǵardyq. Bul kóptegen adamdar úshin aýyr soqqy ekenin bilemiz, biraq amandyq bárinen qymbat. Sondyqtan ondaı táýekelge bara almadyq", degen Borıs Djonson.
1 tamyzdan bastap kópshilik kóńil kóteretin oryndar ashylady. Teatrlarda spektaklder qoıylyp, ártister kórermenmen qaýyshyp, 30 adam jınalýǵa ruqsat beretin túrli qabyldaýlar men úılený toılary ótkizilip, boýlıng klýbtary men kazınolar ashylady dep alaqandaryn ysqylap kútip otyrǵandardyń úmitterine sý sepkendeı. Úkimet basshysynyń aıtýynsha shekteýler eki aptadan kem bolmaıtyndaı jáne tamyzdyń 8-nen bastap tumsha taǵyp júrý rejimi kúsheıtiletin kórinedi.