Latyn Amerıkasyndaǵy memleketterdi COVID-19 sharpyǵan jalyn basylar emes. Argentına, Brazılııa, Kolýmbııa turǵyndary aýrý zardabyn tartýda, - dep jazady Egemen.kz
Argentınada sońǵy táýlikte 53 adam dúnıe salyp, al pandemııa bastalǵannan beri 5241 adam onyń qurbany bolǵan. Azamattaryn aman saqtaý jolynda Argentına úkimeti shekteý sharalaryn tamyzdyń 16 deıin uzartyp otyr. Olardyń ishinde kóp mólsherde aıyp tóleý qarastyrylǵanymen vırýs juqtyrý báseńder emes.
Brazılııa Densaýlyq saqtaý mınıstriliginiń málimetine qaraǵanda indet taraǵaly elde aýrý juqtyrǵandardyń sany 2 707 877 jetken. Onyń 1 865 729-y jazylyp shyqqanymen, sońǵy bir kún ishinde 1088 naýqas ómirmen qosh aıtysypty.
Kolýmbııa pandemııa patshalyq qurǵaly óziniń 10 330 azamatynan aırylǵan. Keshegi kúnniń ózinde 225 pasıent SARS-CoV-2 salǵan qursaýdan shyǵa almaǵanyn habarlaǵan Kolýmbııa Densaýlyq saqtaý mınıstriligi elde 1,6 mln adamnyń vırýsqa qarsy test tapsyrǵanyn jetkizdi.