Shymkent qalasynda bıyl egistik alqabynan 15 650 tonna ónim alyndy. Onyń ishinde 10 450 tonna dándi daqyl, 5 200 tonna kókónis pen baqsha ónimderi, kartoptyń 2100 tonnasy jınaldy. Sharýalar maıly daqyldar men mal azyqtyq daqyldaryn, kartoptyń qalǵan bóligin aldaǵy ýaqyttaǵy jıynǵa qaldyrǵan, - dep habarlaıdy Egemen.kz.
Aýylsharýashylyǵy basqarmasy mamandarynyń aıtýynsha, aǵymdaǵy jyly aýylsharýashylyǵy daqyldarynyń egis kólemi 27,6 myń gektarǵa jetip, ótken jyldyń tıisti kezeńimen salystyrǵanda 1 myń gektarǵa artqan.
Dala jumystaryna traktorlar, tuqym sepkishter, jer qopsytqyshtary, topyraq óńdeıtin agregattardyń 95 paıyzǵa jýyǵy jumyldyrylyp, egý merzimderi tolyǵymen saqtaldy.
Sonymen qatar mıneraldy tyńaıtqyshtardyń qunyn sýbsıdııalaý baǵdarlamasyna sáıkes 105 mln teńge qarjy bólinip, búgingi tańda 74,5 mln teńgege 1125 tonna tyńaıtqysh sýbsıdııalanǵan.
Qalada jalpy aýylsharýashylyǵy maqsatynda 62,6 myń gektar jer kólemi bólingen. Egistik jer - 39,5 myń gektar bolsa, sýarmaly jerlerdiń kólemi 11myń gektardy alyp jatyr.