Qyzylordada ınternet-alaıaqpen aınalysqan 26 jastaǵy turǵyn ustaldy. Bul týraly polisia.kz habarlaıdy, dep jazady Egemen.kz
Qyzylorda qalasynyń turǵyny senimdi teris paıdalaný jolymen tanysynyń atynan ınternet bankinen 75 myń teńge aqsha alyp, jymqyrǵan. Qyzylorda oblysy Polısııa departamentiniń Tergeý basqarmasymen atalǵan derek boıynsha Qazaqstan Respýblıkasy Qylmystyq kodeksiniń 190-baby 2-bóliginiń 4-tarmaǵymen "Alaıaqtyq" sotqa deıingi tergep-tekserý júrgizildi.
Tergeý barysynda kúdikti qatarynda tanylǵan Qyzylorda qalasynyń 26 jastaǵy turǵyny óziniń jasaǵan qylmystyq áreketin tolyǵymen moıyndady. Sonymen qatar, tergeý barysynda kúdikti azamatshanyń atalǵan qylmystan bólek taǵy alaıaqtyq jasaǵany anyqtalyp, bul qylmystyq ister bir óndiriske biriktirilgen.
Qylmystyq áreket tolyǵymen óz dálelin taýyp, is aıyptaý aktisimen sotqa joldandy. Sot prosesinde kúdikti azamatsha óz kinásin tolyǵymen moıyndap, jábirlenýshilerge keltirilgen shyǵyndy tolyq óndirip berdi. 12 maýsym 2020 jylǵy sot úkimimen azamatsha kináli dep tanylyp, oǵan eki jyl merzimge bas bostandyǵyn shekteý jazasy taǵaıyndaldy.